అప్పట్లో 'మల్లీశ్వరి' సినిమా కోసం ముద్దుగుమ్మ కత్రినా కైఫ్‌ని భారీగా టాలీవుడ్‌కి దించారు. వెంకటేష్‌ హీరోగా తెరకెక్కిన ఆ సినిమా ఘన విజయం సాధించింది. కానీ మల్లీశ్వరి పాత్రకి కత్రినాకైఫ్‌ అంతగా న్యాయం చేయలేకపోయింది. చాలా అందంగా కనిపించింది ఈ సినిమాలో కత్రినా కైఫ్‌. కానీ హీరోయిన్‌గా అంత మంచి మార్కులు వేయించుకోలేకపోయింది. డాన్సుల్లో యాక్టింగ్‌లో చాలా వీక్‌గా కనిపించింది మల్లీశ్వరి పాత్రలో కత్రినా కైఫ్‌. ఆ తర్వాత బాలయ్యతో 'అల్లరి పిడుగు' సినిమాలో నటించింది. కానీ ఆ సినిమా ఆశించినంత విజయాన్ని అందుకోలేకపోయింది. దాంతో మల్లీశ్వరి కత్రినాకైఫ్‌ బాలీవుడ్‌కి చెక్కేసింది. బాలీవుడ్‌కెళ్లాక అమ్మడు ఓ రేంజ్‌లో రెచ్చిపోయింది. యాక్టింగ్‌లోనూ, డాన్సుల్లోనూ ఇరగదీసేసింది. అక్కడ నెంబర్‌ వన్‌ హీరోయిన్‌ రేంజ్‌కి ఎదిగిపోయింది కత్రినా. ఆమెకు తిరుగే లేకుండా పోయింది. మళ్లీ ఇన్నాళ్ల తర్వాత కత్రినాను టాలీవుడ్‌కి రప్పించేందుకు సన్నాహాలు జరుగుతున్నాయి. 'బాహుబలి' సినిమాతో యూనివర్సల్‌ స్టార్‌ అయిపోయిన ప్రబాస్‌కి జోడీగా కత్రినా కైఫ్‌ని తీసుకొద్దామనుకుంటున్నారట. సుజిత్‌ దర్శకత్వంలో ప్రబాస్‌ హీరోగా తెరకెక్కుతోన్న భారీ చిత్రం 'సాహో'. ఈ సినిమా కోసమే అమ్మడిని హీరోయిన్‌గా అనుకుంటున్నారని ప్రచారం బాగా జరుగుతోంది. మొదట్లో ముద్దుగుమ్మ రష్మిక మండన్నాని ఈ సినిమా కోసం హీరోయిన్‌గా అనుకున్నారు. కానీ కాదట. ఇప్పుడు కత్రినా పేరు బాగా వినిపిస్తోంది.
