ఫైట్‌ మాస్టర్స్‌ దర్శకులవడం కొత్త కాదు. అందుకే ది గ్రేట్‌ ఫైట్‌ మాస్టర్‌ పీటర్‌ హెయిన్స్‌ కూడా దర్శకుడవతారమెత్తుతున్నాడు. మలయాళ సూపర్‌ స్టార్‌ మోహన్‌లాల్‌తో ఓ సినిమా చేస్తాడట పీటర్‌ హెయిన్స్‌. 'మగధీర' సినిమాతో తెలుగులో పీటర్‌ హెయిన్స్‌ పేరు మార్మోగిపోయింది. ఆ సిఇనమా తెరకెక్కిస్తున్న టైంలోనే ఓ రిస్కీ షాట్‌లో ఆయన తీవ్ర గాయాల పాలు కావాల్సి వచ్చింది. అయినా కానీ ఆయన రిస్క్‌లు చేయడం మానలేదు. అసలు ఆయన తెలుగులోనే సినిమా చేద్దామనుకున్నాడుగానీ కొన్ని కారణాలతో ఆ సినిమా పట్టాలెక్కలేదు. అయితే పవర్‌ ఫుల్‌ ఫైట్‌ మాస్టర్‌ కాబట్టి ఈయన డైరెక్షన్‌లో తెరకెక్కే మూవీ ఖచ్చితంగా యాక్షన్‌ బ్యాక్‌ డ్రాప్‌లోనే ఉంటుంది అనుకుని భ్రమ పడతారేమో. అందుకు ఆయన ముందే క్లారిటీ ఇచ్చేశారు అందుకే. ఫైట్‌ మాస్టర్‌ అయితే ఫైట్స్‌ నేపథ్యంలో యాక్షన్‌ బ్యాక్‌డ్రాప్‌తో సినిమా చేయాలనే రూల్‌ ఏమీ లేదంటున్నారు. ఓ మంచి కథతో చక్కటి సినిమా తీస్తానంటున్నాడు పీటర్‌ హెయిన్స్‌. ఇండియన్‌ సినిమాకి సరికొత్త యాక్షన్‌ నేర్పిన ఘనుడు పీటర్‌హెయిన్స్‌. ఆయన డైరెక్టర్‌ కావడం అందరూ సంతోషించదగ్గ విషయమే. ఫ్యామిలీ అంతా కలిసి కూర్చొని చూడదగ్గ ఓ కూల్‌ ఎంటర్‌టైనర్‌ని తెరకెక్కిస్తానంటున్నాడు. అలాగే కామన్‌గా యాక్షన్‌కీ ఈ సినిమాలో ప్రిఫరెన్స్‌ ఇస్తానంటున్నాడు.