గతేడాది స్టార్టింగ్‌లోనే 'నేను శైలజ' సినిమాతో టాలీవుడ్‌లో ఎంట్రీ ఇచ్చింది కీర్తి సురేష్‌. 2016 ఈ సినిమాతోనే ప్రారంభమైంది. ప్రారంభంలోనే హిట్‌ కొట్టి న్యూ ఇయర్‌కి వెల్‌కమ్‌ చెప్పింది ఈ ముద్దుగుమ్మ. దాంతో లక్కీ బ్యూటీ ఆఫ్‌ ది ఇయర్‌ అయిపోయింది అందాల కీర్తి సురేష్‌. నిజానికి ఈ అమ్మడు తెలుగులో చేసిన సినిమా గతేడాది ఈ ఒక్కటే. అయినా కానీ ఆమె పేరు హిట్‌ లిస్టులో నిలవడంతో పాటు పాపులర్‌ అయిపోయింది. అయితే స్ట్రెయిట్‌ సినిమా ఒక్కటే అయినా కానీ, గతేడాది ఈ ముద్దుగుమ్మ నటించిన రెండు డబ్బింగ్‌ సినిమాలు సందడి చేశాయి. వాటిలో ధనుష్‌తో నటించిన 'రైల్‌' ఒకటి కాగా, యంగ్‌ హీరో శివకార్తికేయన్‌తో 'రెమో' సినిమాతోనూ అలరించింది. వీటిలో 'రెమో' మంచి విజయాన్ని అందుకుంది తమిళంతో పాటు తెలుగులో కూడా. అలాగే ఈ ఏడాది అమ్మడి చేతిలో చాలా సినిమాలే ఉన్నాయి. వీటిలో నేచురల్‌ స్టార్‌ నాని హీరోగా వస్తోన్న 'నేను లోకల్‌' సినిమా. ఈ సినిమా నిజానికి గతేడాది గతేడాది ఎండింగ్‌లో డిశంబరులోనే విడుదల కావాల్సి ఉంది. కానీ లేట్‌ అయ్యింది. ఈ ఫిబ్రవరిలో విడుదలవుతోంది. ఫిబ్రవరి 3న పక్కాగా ఈ సినిమా ప్రేక్షకుల ముందుకు రాబోతోంది. రొమాంటిక్‌ ఎంటర్‌టైనర్‌గా తెరకెక్కుతోన్న ఈ సినిమా ట్రైలర్‌తో ఇప్పటికే అంచనాలను పెంచేస్తోంది. అలాగే కీర్తి సురేష్‌ లక్‌ ఈ సినిమాకి ఎంత మేర కలిసొస్తుందో. నాని, కీర్తి సురేష్‌ జంట కనువిందుగా ఉంది. ఇవి కాక అమ్మడి చేతిలో ఈ ఏడాది పవన్‌, ఎన్టీఆర్‌ వంటి స్టార్‌ హీరోలతో భారీ ప్రాజెక్టులే ఉన్నాయి.
