మహానటి చిత్రంతో ఎంతో పేరు ప్రఖ్యాతలు సంపాదించుకున్న నటి కీర్తి సురేష్. ఆమెకి ఆ సినిమా దక్కడం ఎంత మంచి చేసిందో అదే స్థాయిలో కెరీర్ పరంగా చెడు కూడా జరిగింది.
ఎందుకంటే సావిత్రి అంతటి పాత్ర చేసాక తాను చేసిన ఏ సినిమాలో కూడా ఆమెకి సరైన పాత్ర దక్కలేదు అన్న టాక్ వినిపిస్తుంది. అయితే ఒక పెద్ద హిట్ తరువాత ఎవరి కెరీర్ లో అయినా సరే ఇటువంటి ఒడిదుడుకులు సహజమే అని సినీ విశ్లేషకులు అభిప్రాయం వ్యక్తంచేస్తున్నారు.
ఇవన్ని పక్కనపెడితే, కీర్తి సురేష్ తను ఎంచుకునే పాత్రల తీరు గురించి చెప్పింది. ఆమెకి గ్లామర్ పాత్రలంటే అంతగా ఆసక్తిలేదని తన ఓటు ఎల్లప్పుడు ప్రాధాన్యం ఉన్న పాత్రలకే ఉంటుంది అని చెప్పింది. గ్లామర్ పాత్రలు చేస్తే కమర్షియల్ గా బాగానే ఉంటుంది కాని నటనపరంగా అంతగా సంతృప్తి ఉండదు అని చెప్పుకొచ్చింది.
మరి చూడాలి భవిష్యత్తులో కీర్తి కోరుకున్నట్టుగా మంచి పాత్రలు దొరుకుతాయో లేదో...
