సునీల్ కి చిరంజీవి అంటే చాలా ఇష్టం. చిరుని స్ఫూర్తిగా తీసుకునే ఈ ప‌రిశ్ర‌మ‌లోకి అడుగుపెట్టాడు సునీల్‌. చిరుతో ఠాగూర్‌, ఇంద్ర‌, స్టాలిన్ సినిమాల్లో న‌టించాడు. చిరు 150వ సినిమా 'ఖైది నెం.150'లో సునీల్‌కి అవ‌కాశం వ‌చ్చింది. కానీ... కాల్షీట్ల ఇబ్బంది వ‌ల్ల న‌టించ‌లేక‌పోయాడు.

'సైరా'లోనూ సునీల్ ఉంటాడ‌నుకున్నారు. కానీ... చివ‌రి నిమిషంలో ఆ బెర్తు మ‌రోక‌రికి వెళ్లిపోయింది. అయితే ఈసారి చిరుతో ఛాన్స్ ని సునీల్ మిస్ చేసుకోలేదు. చిరు 152వ చిత్రం కొర‌టాల శివ‌తో అన్న సంగ‌తి తెలిసిందే. జులై నుంచి ఈ సినిమా మొద‌లు కానుంది. ఇందులో సునీల్‌కి ఓ పాత్ర ద‌క్కింది. సినిమాలో సునీల్‌ది చాలా కీల‌క‌మైన పాత్ర అట‌. అందుకే సునీల్ ఈ ఛాన్స్‌ని వ‌దులుకోలేదు. త‌న సినిమాల‌న్నీ ప‌క్క‌న పెట్టి ఈ సినిమాని ఒప్పేసుకున్నాడు.

ప్ర‌స్తుతం చిరంజీవి 'సైరా'తో బిజీగా ఉన్న సంగ‌తి తెలిసిందే. సైరా పూర్త‌య్యాకే కొర‌టాల శివ సినిమా సెట్స్‌పైకి వెళ్తుంది.