దర్శకుడు క్రిష్ తన మొదటిచిత్రం నుండే ఒక వైవిధ్యమైన దర్శకుడిగా పేరు తెచ్చుకున్నాడు. అందులో భాగంగానే ఆయన ప్రతి చిత్రం ఒకదానితో మరొకటి పొంతన లేకుండా ఉంటుంది.
తాజాగా ఆయన చేయబోయే చిత్రమంటూ ఒక టైటిల్ కూడా బయటకి వచ్చింది. అదే- అహం బ్రహ్మాస్మి. అయితే ఈ చిత్రానికి సుమారు రూ 100 కోట్ల మేర బడ్జెట్ వెచ్చించనున్నారు అని సమాచారం. ఇదే సమయంలో ఈ సినిమాలో ఒక టాప్ హీరో నటిస్తాడు అని ఫిలిం నగర్ వర్గాల టాక్.
అయితే క్రిష్ ప్రస్తుతం కంగనా రనౌత్ ని హీరోయిన్ గా పెట్టి మణికర్ణిక అనే చారిత్రక సినిమా తీస్తున్నాడు. దీనికి విజయేంద్ర ప్రసాద్ కథని సమకూరుస్తున్నారు. ఈ చిత్రం పూర్తయ్యాక ‘అహం బ్రహ్మాస్మి’ చిత్రం మొదలుపెడతాడట.
ఇప్పటివరకు తక్కువ బడ్జెట్ తోనే పెద్ద పెద్ద చిత్రాలు నిర్మించిన క్రిష్ ఇప్పుడు ఏకంగా రూ 100 కోట్లకు వెళుతున్నాడు అంటే ఆ చిత్రం ఏ తరహాలో ఉంటుందో మనమే ఊహించుకోవాలి.
