ఒక్క సినిమా కూడా విడుద‌ల కాకుండా.. వ‌రుస‌గా ఆఫ‌ర్లు రావ‌డం అంటే మాట‌లు కాదు. ఎంతో అదృష్టం ఉండి తీరాలి. అంత లక్ ఉన్న క‌థానాయిక కృతి శెట్టి. `ఉప్పెన` సినిమాతో హీరోయిన్ గా ఎంట్రీ ఇస్తోంది. ఈ సినిమా సెట్స్‌పై ఉండ‌గానే, మరిన్ని ఆఫ‌ర్ల‌ని చేతినిండా రాబ‌ట్టుకుంటోంది. ప్ర‌స్తుతం నాని సినిమాలో హీరోయిన్‌గా ఫిక్స‌య్యింది. ఇప్పుడు సూర్య సినిమాలోనూ త‌న‌కు ఆఫ‌ర్ వ‌చ్చింద‌ని టాక్‌.
సూర్య - హ‌రి కాంబోలో ఓ సినిమా రూపుదిద్దుకోనుంది. ఈ చిత్రంలో క‌థానాయిక‌గా కృతిని ఎంచుకోవాల‌ని చూస్తున్నార్ట. దాంతో త‌మిళ చిత్ర‌సీమ దృష్టి కూడా ఈ బ్యూటీపై ప‌డిన‌ట్టైంది. సూర్య సినిమా గ‌నుక ఓకే అయితే.. త‌మిళ చిత్ర సీమ నుంచి మరిన్ని ఆఫ‌ర్లు రావ‌డం ఖాయం. `ఉప్పెన` రిలీజ్ అయి, హిట్ట‌యితే.. గ‌నుక.. కృతి టాలీవుడ్ స్టార్ అయిపోయిన‌ట్టే.
