మంచు లక్ష్మి ప్రసన్న తాజాగా ఒక హిందీ రీమేక్ లో నటించడానికి గ్రీన్ సిగ్నల్ ఇచ్చేశారు.
గత సంవత్సరం విద్యా బాలన్ హిందీలో నటించిన ‘తుమ్హారీ సుళు’ సినిమాని తెలుగులో రీమేక్ చేస్తున్నారు. ఆ చిత్రంలో జ్యోతిక ప్రధాన పాత్ర పోషిస్తుండగా అందులో ఒక కీలక పాత్రలో మంచు లక్ష్మి నటించనుంది అని తెలిసింది. దీనికి సంబంధించి దర్శక-నిర్మాతలతో ఆమె దిగిన ఫోటో ఒకటి సోషల్ మీడియాలో హల్చల్ చేస్తున్నది.
ఇక ఆ చిత్ర కథాంశానికి వస్తే, గృహిణిగా ఉన్న ఒక సాధారణ మహిళ రేడియో జాకీగా మారడం అనే కథతో ఈ చిత్రం సాగుతుంటుంది. ఈమధ్యనే యాక్టింగ్ లో సెకండ్ ఇన్నింగ్స్ మొదలుపెట్టిన జ్యోతిక కి ఈ కథ పక్కగా సరిపోతుంది అని దర్శక-నిర్మాతలు నమ్మడంతో ఈ సినిమా త్వరలోనే పట్టాలేక్కనుంది.
మొత్తానికి లక్ష్మి,జ్యోతిక ఒకే చిత్రంలో నటించనుండడం ఈ ఇద్దరి అభిమానులకి ఆనందాన్నిచ్చే అంశం.
