చామంతి కలర్‌ హాట్‌ అండ్‌ స్పైసీ కాస్ట్యూమ్‌లో అందంగా మెరిసిపోతూ, కన్ను గీటి కుర్రోళ్లను కవ్విస్తోంది అందాల లక్ష్మీరాయ్‌. అప్పుడెప్పుడో 'కాంచనమాల కేబుల్‌టీవీ' సినిమాతో తెలుగులో శ్రీకాంత్‌ సరసన నటించి ఫ్రెష్‌గా అందాలారబోసింది ఈ ముద్దుగుమ్మ. తాజా తాజా అందాలతో ఈ ముద్దుగుమ్మ భలే ఉందే అనిపించింది ఆ సినిమాలో. ఓ రేంజ్‌లో అందాలారబోసినా, అమ్మడికి పెద్దగా అవకాశాలు రాలేదు ఆ తర్వాత. అయితే తమిళంలో లారెన్స్‌ సినిమా 'కాంచన'తో మళ్లీ ఫామ్‌లోకి వచ్చిన లక్ష్మీరాయ్‌, మెగా కాంపౌండ్‌ లో ఐటెంగాళ్‌గా మరింత పాపులర్‌ అయ్యింది. ముఖ్యంగా మెగాస్టార్‌ 150వ సినిమా 'ఖైదీ'లో 'రత్తాలు రత్తాలు..' సాంగ్‌తో ఓ ఊపు ఊపేసింది. ఆ తర్వాత వరుస అవకాశాలు లక్ష్మీరాయ్‌ని వరించాయి. ముఖ్యంగా బాలీవుడ్‌లో నటించిన 'జూలీ 2' చిత్రం లక్ష్మీరాయ్‌ రేంజ్‌ని ఎక్కడికో తీసుకెళ్లింది. సినిమా సక్సెస్‌ సంగతి పక్కన పెడితే ఆ సినిమాతో లక్ష్మీరాయ్‌ పేరు మార్మోగిపోయింది. ఇప్పుడు తమిళ, తెలుగు భాషల్లో రూపొందుతోన్న ఓ చిత్రంతో పాటు, నాగిని పాత్రలో మరో సినిమాలోనూ నటిస్తోంది లక్ష్మీరాయ్‌. 'జూలీ 2'తో వచ్చిన హాట్‌ ఫేవరేట్‌ని అలాగే కంటిన్యూ చేసేందుకు అప్పుడప్పుడూ సోషల్‌ మీడియాలో హాట్‌ హాట్‌ పిక్స్‌ పోస్ట్‌ చేస్తూ వేడి పుట్టిస్తూనే ఉంది.
