రాయ్‌ లక్ష్మీ ఇటీవల 'జూలీ - 2' సినిమా ద్వారా తెగ వార్తల్లో నిలిచింది. ఈ సినిమాలో బోల్డ్‌ క్యారెక్టర్‌లో నటించిన లక్ష్మీరాయ్‌ ఇప్పుడు ఓ పవర్‌ఫుల్‌ పోలీస్‌ ఆఫీసర్‌ పాత్రలో తన తడాఖా చూపించనుందట. కర్రి బాలాజీ దర్శకత్వంలో ఓ సినిమా తెరకెక్కుతోంది.

ఈ సినిమాలో లక్ష్మీరాయ్‌తో పాటు మరో నటి అంజలి కూడా నటిస్తోంది. ఈ ఇద్దరి ప్రధాన పాత్రల్లో తెరకెక్కుతోన్న ఈ సినిమాకి రాజ్‌కుమార్‌ నిర్మాతగా వ్యవహరిస్తున్నారు. 'గుంటూర్‌ టాకీస్‌' చిత్రాన్ని నిర్మించారు గతంలో రాజ్‌కుమార్‌. ఆ సినిమా చెప్పుకోదగ్గ స్థాయిలోనే విజయం అందించింది. కాగా ప్రస్తుతం రూపొందించబోయే సినిమాని యదార్ధ ఘటనల ఆధారంగా తెరకెక్కిస్తున్నారట.

అత్యాచారం, హత్యకి సంబంధించిన కాన్సెప్ట్‌తో ఈ సినిమా రూపొందుతోందట. ఈ సినిమాకి స్క్రిప్ట్‌ని సరికొత్తగా రెడీ చేశారట. పోలీస్‌ యాంగిల్‌లో సినిమా స్టోరీ నడుస్తుందట. పోలీస్‌ ఆఫీసర్‌గా లక్ష్మీరాయ్‌ పాత్ర చాలా పవర్‌ఫుల్‌గా ఉండబోతోందని తెలుస్తోంది. సస్పెన్స్‌తో కూడిన థ్రిల్లర్‌ మూవీగా ఈ చిత్రాన్ని రూపొందిస్తున్నారట. ఇటీవలే 'జూలీ - 2' సినిమాలో లక్ష్మీరాయ్‌ హాట్‌ హాట్‌ బికినీలతో స్కిన్‌ షో చేసింది. ఇప్పుడేమో లేడీ పోలీస్‌ ఆఫీసర్‌గా ప్రాధాన్యత ఉన్న పాత్రలో నటించి మెప్పిస్తానంటోంది. 

ఇక అంజలి యాక్టింగ్‌ టాలెంట్‌ గురించి అందరికీ తెలిసిందే. ఎలాంటి బరువైన పాత్రనైనా అలవోకగా పోషిచగల సత్తా ఉన్నది. 'గీతాంజలి' సినిమాలో దయ్యం పాత్రలో నటించి మెప్పించడమే కాకుండా, నంది అవార్డు కూడా అందుకుంది. ఈ సినిమాలో అంజలి పాత్ర ప్రాధాన్యత ఏమిటో మాటల్లో చెప్పడం తక్కువే అవుతుందట. అంత ప్రాధాన్యత ఉంటుందట ఆమె పాత్రకి. త్వరలోనే ఈ సినిమా సెట్స్‌ మీదికి వెళ్లనుంది. మరో పక్క 'బెలూన్‌' అనే ఓ హారర్‌ మూవీ ద్వారా అంజలి త్వరలోనే భయపెట్టేందుకు రెడీ అవుతోంది. ఈ సినిమాలో జై హీరోగా నటిస్తున్నాడు.