నితిన్ హీరోగా దర్శకుడు హను రాఘవపూడి తెరకెక్కించన లై చిత్ర టీజర్, పాటలు ఒకటొక్కటిగా విడుదలవుతూ ప్రేక్షకుల అంచనాలు పెంచుతున్నాయి.
ఇక ఈ చిత్రాన్ని ఆగష్టు 11న విడుదల చేయనున్నట్టు ఇప్పటికే దర్శక నిర్మాతలు ప్రకటించేశారు. అయితే అదే రోజున లై తో పాటుగా రానా నటించిన నేనే రాజు నేనే మంత్రి, బెల్లంకొండ శ్రీనివాస్ జయ జానకి నాయక చిత్రాలు విడుదల కానున్నాయి.
ఆరోజున విడుదల చేస్తే ఆగష్టు 15ని వాడుకోవచ్చు అన్న ఉద్దేశ్యంతోనే ఇలా చిత్రాల విడుదలకి ప్లాన్ చేసినట్టు తెలుస్తున్నది. కాకపోతే మూడు చిత్రాల విడుదలతో ఓపెనింగ్స్ పైన ప్రభావం ఉంటుంది అన్న భావన లై టీంలో వ్యక్తమవుతున్నట్టు తెలుస్తున్నది.
అందుకే తమ చిత్రం పైన 100 పర్సెంట్ నమ్మకంతో ఉన్న ఈ టీం మరేదైనా రోజు విడుదల చేద్దామా అనే ఆలోచనలో ఉన్నారట. మరి ఈ చర్చలు ముగిసి వేరే రిలీజ్ తేదీ చెబుతారో లేదో అనేది వేచి చూడాలి.
