త‌మిళ ద‌ర్శ‌కుల‌పై మ‌న హీరోల మోజు ఇప్ప‌టిది కాదు. ప్ర‌తీ హీరో... త‌మిళ ద‌ర్శ‌కుడ్ని రంగంలోకి దింపిన‌వాడే. అయితే ఈ సీజ‌న్ లో అది మ‌రింత ఎక్కువైంది. ఎన్టీఆర్ తో కొంత‌మంది త‌మిళ ద‌ర్శ‌కులు ప‌నిచేయ‌డానికి ఉత్సాహం చూపించారు.కానీ.. అవేం వ‌ర్క‌వుట్ కాలేదు. ఈమ‌ధ్య అట్లీ పేరు ప్ర‌ముఖంగా వినిపించింది. అట్లీతో ఎన్టీఆర్ చ‌ర్చ‌లు కూడా జ‌రిపాడు. 2021లో ఈ సినిమా ఉంటుంద‌న్నారు. కానీ.. అదేం జ‌ర‌గ‌లేదు. ఇప్పుడు లోకేష్ క‌న‌గ‌రాజ్ పేరు ఈ జాబితాలో చేరింది.

ఖైదీ సినిమాతో ఆక‌ట్టుకున్న ద‌ర్శ‌కుడు లోకేష్‌. విజ‌య్ ని `మాస్ట‌ర్‌`గా తీర్చిదిద్దాడు. ఈసినిమా సంక్రాంతికి విడుద‌ల అవుతోంది. `మాస్ట‌ర్‌`కి ముందే..లొకేష్‌కి చాలా ఆఫ‌ర్లు వచ్చేస్తున్నాయి. ఇటీవ‌ల ఎన్టీఆర్ కూడా లోకేష్ కి క‌బురు పంపిన‌ట్టు తెలుస్తోంది. ఇద్ద‌రి మ‌ధ్యా క‌థ‌కి సంబంధించిన చ‌ర్చ‌లేం జ‌ర‌గ‌క‌పోయినా... ట‌చ్‌లో ఉన్న‌ట్టు స‌మాచారం. `మాస్ట‌ర్‌` ప‌నులు అయిపోయాక.. ఇద్ద‌రూ క‌లిసేఅవ‌కాశం ఉంది. ఆ సంద‌ర్భంగా క‌థేమైనా చ‌ర్చ‌కు వ‌స్తే.. ఈ కాంబినేష‌న్ కి దారులు తెర‌చుకున్న‌ట్టే.