రెండోసారి ముఖ్య‌మంత్రిగా ప‌ద‌వీ బాధ్య‌త‌లు చేప‌ట్ట‌నున్న కేసీఆర్‌కు దేశం న‌లుమూల‌ల నుంచి శుభాకాంక్ష‌లు వెల్లువెత్తుతున్నాయి. కేసీఆర్‌కి అభినంద‌న‌లు తెల‌ప‌డంలో సినీ సెల‌బ్రెటీలు ముందున్నారు. ఇప్ప‌టికే చాలామంది క‌థానాయ‌కులు, ద‌ర్శ‌కులు, నిర్మాత‌లు సోష‌ల్ మీడియా ద్వారా అభినంద‌న‌లు తెలిపారు. ఇప్పుడు 'మా' ప్ర‌త్యేకంగా ఓ ప్రెస్ మీట్ పెట్టి మ‌రీ అభినందించింది.

'మా' అధ్య‌క్షుడు శివాజీ రాజా మాట్లాడుతూ ``టి.ఆర్.ఎస్. ప్రభుత్వం చిత్రసీమ అభివృద్ధి కోసం ఎంతో పాటు ప‌డింది. సినిమాటోగ్రఫీ మంత్రి తలసాని శ్రీనివాస యాదవ్ గారిని, ఎఫ్.డి.సి. ఛైర్మన్ రామ్మోహనరావు గారిని ఎప్పుడు ఏ పని నిమిత్తం కలిసినా ఎంతో సహకరించారు. మూవీ ఆర్టిస్ట్స్ అసోసియేషన్ రజతోత్సవ సంవత్సరం సందర్భంగా మా ముందు ఓ పెద్ద బాధ్యత ఉంది.

గోల్డేజ్ హోమ్ నిర్మాణాన్ని ఈ కార్యవర్గం ఉండగానే ప్రారంభించాలనుకుంటున్నాం'' అన్నారు. ''ఏ ముఖ్యమంత్రి అయినా చెప్పిన ఫిగర్ ను రీచ్ కావడం ఈ రోజు చాలా క‌ష్టం. అలాంటిది  మ్యాజిక్ ఫిగర్ ను దాటి భారీ మెజారిటీ సాధించ‌డం గొప్ప విశేషం'' అని  'మా' కోశాధికారి పరుచూరి వెంకటేశ్వరరావు తెలిపారు.