ఐటీ దాడుల్ని లైట్‌ తీసుకున్న దిల్‌రాజు!

By iQlikMovies - May 08, 2019 - 19:30 PM IST

మరిన్ని వార్తలు

'మహర్షి' సినిమా ఈరోజు రిలీజ్‌ అవుతున్న నేపథ్యంలో సినిమా బడ్జెట్‌, బిజినెస్‌, కలెక్షన్స్‌ తదితర అంశాలపై ఆరా తీస్తూ ఐటీ దాడులు నిర్వహించారు. అయితే, భారీ బడ్జెట్‌ చిత్రాల విషయంలో ఈ తరహా ఐటీ దాడులు కామన్‌ అని నిర్మాత దిల్‌రాజు చాలా లైట్‌ తీసుకున్నారు. గతంలోనూ భారీ బడ్జెట్‌ చిత్రాల విషయంలో ఇలాగే ఐటీ దాడులు నిర్వహించారు.

 

ముగ్గురు ప్రముఖ నిర్మాతలు సంయుక్తంగా ఈ సినిమాని నిర్మించిన సంగతి తెలిసిందే. టాప్‌ లెవల్లో ఉన్న దిల్‌రాజు, అశ్వనీదత్‌, పీవీపీ బ్యానర్‌ సంయుక్తంగా నిర్మించిన 'మహర్షి'పై భారీ అంచనాలుండడం సహజమే. ఇకపోతే, భారీ బడ్జెట్‌తో తెరకెక్కిన సినిమా కనుక ఈ సినిమా టికెట్‌ రేట్లు పెంపు విషయంలోనూ 'మహర్షి' టీమ్‌ జాగ్రత్త పడింది. అలాగే తెలంగాణా ప్రభుత్వ అనుమతితో ఎక్స్‌ట్రా షోస్‌కీ రంగం సిద్ధం చేసింది. ఏది ఏమైనా మహేష్‌ బాబు సినిమా అంటే ఈ స్థాయిలో అంచనాలు, హైప్‌ ఉంటాయి. అయితే 'మహర్షి'కి సంబంధించి ఆ హైప్‌ ఇంకాస్త ఎక్కువగా ఉందని చెప్పొచ్చు.

 

వంశీ పైడిపల్లి దర్శకత్వంలో తెరకెక్కిన 'మహర్షి' మహేష్‌ కెరీర్‌లో 25వ చిత్రం కావడం మరో ప్రత్యేకమైన అంశం. పూజా హెగ్దే హీరోయిన్‌గా నటిస్తున్న ఈ సినిమాలో మహేష్‌ని మూడు డిఫరెంట్‌ వేరియేషన్స్‌ ఉన్న గెటప్స్‌లో చూపించాడు డైరెక్టర్‌ వంశీ పైడిపల్లి. అల్లరి నరేష్‌ 'మహర్షి'లో కీలక పాత్ర పోషించాడు.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS