`గీత గోవిందం`తో ఓ సూప‌ర్ డూప‌ర్ హిట్టు కొట్టాడు ప‌ర‌శురామ్‌. ఆ త‌ర‌వాత‌.. సినిమా ప‌ట్టాలెక్కించ‌డానికి మాత్రం చాలా స‌మ‌యం ప‌ట్టింది. చివ‌రికి మ‌హేష్ బాబుతో క‌థ ఓకే చేయించుకున్నాడు. అదే... `స‌ర్కారువారి పాట‌`. ఈసినిమా త్వ‌ర‌లోనే అమెరికాలో కొత్త షెడ్యూల్ మొద‌లు పెట్టుకోబోతోంద‌న‌గానే... అనుకోని అవాంత‌రం వ‌చ్చింది. అక్క‌డ వీసాలు దొర‌క్క‌పోవ‌డంతో.. ఆ షెడ్యూలు ఆగిపోయింది. దాంతో.. ఈ సినిమా ఎప్పుడు మొద‌ల‌వుతుందో తెలియ‌ని ప‌రిస్థితి.

ఈలోగా... త్రివిక్ర‌మ్ మ‌హేష్ ఇద్ద‌రూ ట‌చ్‌లోకి వ‌చ్చారు. ఈ కాంబోలో సినిమా మొద‌ల‌య్యే అవ‌కాశాలున్నాయ‌ని, అందుకోసం `స‌ర్కారు వారి పాట‌`ని ప‌క్క‌న పెట్టొచ్చ‌ని వార్త‌లొచ్చాయి. దాంతో ప‌ర‌శురామ్ కి ఏం చేయాలో పాలుపోలేదు. ఈ సినిమా ఆగిపోతే.. త‌న ప‌రిస్థితేంటి? అంటూ అంద‌రూ అనుమానాలు వ్య‌క్తం చేశారు. అయితే.. ఇప్పుడు ప‌ర‌శురామ్ నెత్తిన పాలు పోశాడు మ‌హేష్. `ఈ సినిమా ఆగ‌దు... ` అంటూ అభ‌య‌హ‌స్తం అందించాడ‌ట‌. అంతేకాదు... అమెరికా షెడ్యూల్ ఆల‌స్య‌మైతే అయ్యింద‌ని, హైద‌రాబాద్ లో సినిమా షూటింగ్ మొద‌లుపెట్ట‌మ‌ని చెప్పాడ‌ట‌. దాంతో.. ప‌ర‌శురామ్ ఆనందానికి అవ‌ధుల్లేకుండా పోయింది.

వ‌చ్చే నెల‌లో `స‌ర్కారు వారి పాట‌` సినిమా షూటింగ్ మొద‌ల‌య్యే అవ‌కాశాలున్నాయ‌ని, ఈ షెడ్యూల్ లో మ‌హేష్ కూడా పాల్గొంటాడ‌ని గుస‌గుస‌లు వినిపిస్తున్నాయి. సో... స‌ర్కారు వారి పాట‌పై ఉన్న అనుమానాలు తొల‌గిపోయిన‌ట్టే.