సూపర్ స్టార్ మహేష్ బాబు భరత్ అనే నేను చిత్రానికి సంబందించిన ఒక్కొక విషయం ఆసక్తిరేపుతూనే ఉంది. ఈరోజు ఉదయమే ఈ సినిమాలో ఒక పాటని బాలీవుడ్ నటుడు ఫర్హాన్ అక్తర్ ఆలపించాడు అని తెలిసింది.
ఇందులో నుండి బయటపడక ముందే, ఈ సినిమా ప్రీ-రిలీజ్ ఈవెంట్ కి సంబందించిన వార్త కూడా ఒకటి బయటకి వచ్చేసింది. అదేంటంటే- సాధారణంగా ఉమ్మడి ఆంధ్రప్రదేశ్ లో ఎక్కువశాతం ముఖ్యమంత్రులు హైదరాబాద్ లోని LB స్టేడియం లో ముఖ్యమంత్రులుగా ప్రమాణస్వీకారం చేసేవారు.
ఇప్పుడు మహేష్ బాబు కూడా తన చిత్రం భరత్ అనే నేను ప్రీ-రిలీజ్ ఈవెంట్ ని LB స్టేడియం లో నిర్వహించడానికి సన్నద్దమవుతున్నాడట. అలా ముఖ్యమంత్రుల సాంప్రదాయాన్ని ఈయన కొనసాగించనున్నాడు అని తెలుస్తుంది. ఈ ఈవెంట్ ఏప్రిల్ 7వ తేదీన జరుగుతుంది అని తెలుస్తుంది.
దీని పైన అధికారిక ప్రకటన చిత్ర నిర్మాణసంస్థ నుండి విడుదలకావాల్సి ఉంది. ఏదేమైనా ముఖ్యమంత్రి పాత్రని చాలా సీరియస్ గా తీసుకున్నట్టుగా తెలుస్తున్నది.
