మహేష్ బాబు 2016లో నటించిన చిత్రం- బ్రహ్మోత్సవం. భారీ నిర్మాణ విలువలు, అతిపెద్ద క్యాస్టింగ్ తో ఈ చిత్ర నిర్మాణం జరిగింది. ఈ చిత్రాన్ని కుటుంబకథా చిత్రాల దర్శకుడు అయిన శ్రీకాంత్ అడ్డాల దర్శకత్వం వహించాడు.

అయితే ఈ చిత్రం తెలుగు ఆడియన్స్ ని ఆకట్టుకోలేకపోయింది, బాక్స్ ఆఫీస్ వద్ద మొదటిరోజే చతికిలపడింది అని చెప్పొచ్చు. మరి ముఖ్యంగా మహేష్ బాబు కెరీర్ లోనే అతిపెద్ద ఫ్లాప్  చిత్రంగా ఇది నిలిచిపోయింది.

ఇదిలావుండగా ఇప్పుడు ఈ చిత్రాన్ని తమిళంలోకి డబ్ చేసి విడుదల చేస్తున్నారు. ఈ మధ్యనే స్పైడర్ చిత్రం ద్వారా తమిళ మార్కెట్ లోకి అడుగుపెట్టిన మహేష్ అక్కడ తన నటనతో ఒకే అనిపించుకున్నాడు.

ఇక బ్రహ్మోత్సవంలో తమిళ నటులు, అక్కడ మార్కెట్ ఉన్న సమంతా, కాజల్ అగర్వాల్, ప్రణీతలు కూడా ఉండటంతో తమిళంలోకి అనువదిస్తే మంచి వసూళ్ళు రాబట్టే అవకాశం ఉన్నట్టు ఆలోచిస్తున్నారట.

మరి ఈ చిత్రం తమిళ ప్రేక్షకులని ఎంతవరకు మెప్పిస్తుందో అనేది వేచి చూడాలి.