మహేష్ - రాజమౌళి కాంబోలో రానున్న మూవీపై రోజు కొక అప్డేట్ వస్తోంది. ఇంకా సినిమా షెడ్యూల్ మొదలవక ముందే ఈ మూవీ న్యూస్ తెగ వైరలవుతోంది. జక్కన్న ఎలాంటి అఫీషియల్ అనౌన్స్ మెంట్ ఇవ్వకపోయినా రక రకాల వార్తలు స్ప్రెడ్ అవుతున్నాయి. రీసెంట్ గా ఓ కార్యక్రమంలో పాల్గొన్న దర్శక ధీరుడు ‘మహేష్ తో సినిమా తీస్తున్నా, త్వరలోనే షూటింగ్‌ ప్రారంభం అవుతుందని, టైటిల్‌ ఇంకా ఫిక్స్ చేయలేదని, అని చెప్పారు. మహేష్ కూడా ఒక ఇంటర్వ్యూలో మాట్లాడుతూ ‘రాజమౌళి సర్‌తో చేసే సినిమాకు సంబంధించిన ప్రీ-ప్రొడక్షన్‌ పనులు జరుగుతున్నాయని, ఆయనతో ప్రయాణం మొదలుపెట్టేందుకు చాలా ఆసక్తిగా ఉన్నా’ అని పేర్కొన్నాడు.
రాజమౌళి తండ్రి విజయేంద్రప్రసాద్‌ ఒక్కరే మొదటి నుంచి ఈ సినిమాకి సంబంధించిన న్యూస్ ఎదో ఒకటి చెప్తున్నారు. అమెజాన్‌ అడవుల నేపథ్యంలో సాగే ఈ కథలో ఇప్పటివరకూ కనిపించని సరికొత్త లుక్‌లో మహేష్. కనిపిస్తారని టాక్. ఇందుకోసమే మహేష్ గడ్డం పెంచి, పొడవాటి జుట్టుతో దర్శనమిస్తున్నాడని టాక్. మహేష్ లుక్‌కు సంబంధించి స్కెచ్‌లు పూర్తయ్యాయని, ఇందులో మహేష్ దృఢంగా, ఒక యోధుడిలా కనిపిస్తాడని సమాచారం.
మహేష్ ఈ సినిమాలో కనిపించే లుక్స్ కోసం జక్కన్న టీమ్‌ టోటల్ గా ఎనిమిది లుక్స్‌ను రెడీ చేసిందట. కథకు, మహేష్ ఆహార్యానికి సరిపోయేలా ఆ లుక్స్‌లో మహేష్ తో టెస్ట్‌ ఫొటో షూట్ చేసి, ఫైనల్‌ లుక్‌ను ఫిక్స్ చేయనున్నట్లు టాక్. ఈ మధ్యనే ఈ మూవీలో మరో ఇద్దరు స్టార్స్ కనిపించనున్నారని టాక్ వచ్చింది. దీనితో మహేష్ ఫాన్స్ ఇది మల్టీ స్టారర్ మూవీనా అని విస్మయానికి గురి అయ్యారు. ఈ విషయం ముందే చెప్పొచ్చు కదా జక్కన్న అని మీమ్స్ కూడా పెట్టారు. ఈ రూమర్స్ అన్నిటికి రాజమౌలి ఎప్పుడు చెక్ పెడతారో చూడాలి.
