మ‌హేష్‌బాబు న‌టిస్తున్న 'స‌ర్కారువారి పాట‌' సినిమాలో క‌థానాయిక‌గా చాలామంది పేర్లు పరిశీల‌న‌కు వ‌చ్చాయి.. వ‌స్తున్నాయి. కైరా అడ్వాణీని క‌థానాయిక‌గా తీసుకున్నార‌ని జోరుగా ప్ర‌చారం సాగింది. ఇప్పుడు కీర్తి సురేష్ పేరు గ‌ట్టిగా వినిపిస్తోంది. మ‌హేష్ - కీర్తిల జోడీ బాగుంటుంద‌ని, ఇది వ‌ర‌కు క‌లిసి న‌టించ‌లేదు కాబ‌ట్టి, ఫ్రెష్‌గా క‌నిపిస్తుంద‌ని ద‌ర్శ‌క నిర్మాత‌లు భావిస్తున్నారు. ఈ సినిమాకి సంబంధించి కీర్తితో చ‌ర్చ‌లు కూడా సాగాయ‌ని చెప్పుకున్నారు. వీటిపై కీర్తి స్పందించింది. ''ఈ సినిమాలో నేను న‌టించేది లేనిదీ ఇంకా ఖ‌రారు కాలేదు.

ప్ర‌స్తుతం ఈ ప్రాజెక్టుపై చ‌ర్చ‌లు జ‌రుగుతున్నాయి. అన్నీ కుదిరాక నేనే చెబుతా'' అంది. అంటే.. కీర్తి సురేష్‌ని సంప్ర‌దించింది నిజ‌మే అన్న‌మాట‌. మ‌హేష్‌తో న‌టించ‌డానికి కీర్తికి ఏం అభ్యంత‌రాలు ఉంటాయి? దాదాపుగా ఓకే చెప్పేసిన‌ట్టే. కాక‌పోతే కాల్షీట్లే స‌రి చూసుకోవాలి. ఎందుకంటే ద‌క్షిణాదిన బిజీ తార‌ల్లో కీర్తి ఒక‌రు. త‌న చేతిలో చాలా సినిమాలున్నాయి. వాటి షూటింగులు కూడా వ‌రుస‌గా మొద‌ల‌వుతాయి. అందుకే... కాల్షీట్ల లెక్క చూసుకున్నాకే ఈ సినిమా ఖరారు చేసుకోవాల‌ని కీర్తి భావిస్తోంది.