జబర్దస్త్ కామెడీ షోతో పాపులర్ అయిన హైపర్ ఆది పైన హెచ్ఆర్సీ లో ఫిర్యాదు నమోదయింది.
ఇదిలావుండగా ఈ మధ్యన ఒక కామెడీ స్కిట్ లో భాగంగా అనాధ పిల్లల మనోభావాలని కించపరిచే విధంగా హాస్యం చేశాడు అని సైఫాబాద్ పొలిసు స్టేషన్ లో అనాధ బాలిక అయిన పూజిత ఫిర్యాదు చేసింది. ఫిర్యాదుని స్వీకరించిన పోలీసులు ఈ కేసు పైన విచారణ చేపడతామని వారికి హామీ ఇచ్చినట్టు తెలుస్తున్నది.
ఇక ఇదే అంశమై పూజిత తో కలిసి ప్రముఖ సినీ క్రిటిక్ అయిన మహేష్ కత్తి మరి కొంతమంది అనాధ పిల్లల హెచ్ఆర్సీలో కూడా ఫిర్యాదు చేశారు. దీని పైన సోమవారం విచారణ జరిగే అవకాశం ఉందట.
ఏదేమైనా ఈ మధ్యనే హైపర్ ఆది-మహేష్ కత్తి ల మధ్య జరిగిన వివాదం ఇప్పుడు ముదిరినట్టయింది.
