మహేష్‌ ప్రస్తుతం కొరటాల శివతో సినిమా చేస్తున్నాడు. 'భరత్‌ అనే నేను' టైటిల్‌తో ఈ సినిమా తెరకెక్కుతోంది. ఈ సినిమాని వచ్చే ఏడాది ఏప్రిల్‌ 27న రిలీజ్‌ చేసేందుకు సన్నాహాలు చేస్తున్నారు. ఈ సినిమా ప్రస్తుతం సెట్స్‌పై ఉంది. ఈ సినిమా సెట్స్‌పై ఉండగానే మహేష్‌ మరో సినిమాకీ కమిట్‌ అయ్యాడు. అదే వంశీ పైడిపల్లితో. 'మున్నా', 'బృందావనం, 'ఎవడు', ఊపిరి' తదితర చిత్రాలతో సుపరిచితుడు డైరెక్టర్‌ వంశీ పైడిపల్లి. ఈయన దర్శకత్వంలోనే మహేష్‌ సినిమా చేయబోతున్నాడు. ప్రస్తుతం వంశీ ఈ సినిమా లొకేషన్స్‌ కోసం విదేశాల్లో అన్వేషణ మొదలెట్టేశాడు. మరో పక్క మ్యూజిక్‌ మాంత్రికుడు దేవిశ్రీ ప్రసాద్‌తో సంప్రదింపులు జరుగుతున్నాయి. ఇదిలా ఉండగా ఈ సినిమా టైటిల్‌ విషయానికి వస్తే, 'కృష్ణా ముకుందా మురారి' కానీ హరే రామ హరే కృష్ణా' అనే టైటిల్‌ కానీ ఈ సినిమాకి అనుకుంటున్నారట.. అనే గాసిప్స్‌ ప్రచారంలో ఉన్నాయి. అయితే ఈ టైటిల్స్‌ విషయంలో డైరెక్టర్‌ వంశీ పైడిపల్లి తాజాగా సోషల్‌ మీడియాలో స్పందించారు. మా సినిమాకి టైటిల్స్‌ ఇవేమీ కాదు. ఇంకా ఏమీ అనుకోలేదు.. అని ఆయన సోషల్‌ మీడియా ద్వారా తెలిపారు. ప్రస్తుతం మ్యూజిక్‌ సిట్టింగ్స్‌ జరుగుతున్నాయి. అతి త్వరలోనే పూర్తి వివరాలు తెలియజేస్తామని వంశీ తెలిపారు. అలాగే ఈ లోగా సినిమాకి సంబంధించిన ఏ గాసిప్స్‌నీ అభిమానులు నమ్మవద్దనీ ఆయన చెప్పారు. ఇకపోతే స్క్రిప్టు చాలా బాగుంది, 'అమేజింగ్‌ అండ్‌ ఇన్‌స్పైరింగ్‌ సబ్జెక్ట్‌..' అంటూ ఈ సినిమానుద్దేశించి దేవిశ్రీ ట్వీట్‌ చేశాడు.