సూపర్‌ స్టార్‌ మహేష్‌ బాబు కొత్త సినిమా మురుగదాస్‌ దర్శకత్వంలో తెరకెక్కుతోంది. ఈ సినిమా షూటింగ్‌ స్టార్ట్‌ అయ్యి చాలా కాలమే అయ్యింది. కానీ సినిమాకి సంబంధించి ఓ పోస్టర్‌ గానీ, ప్రీ లుక్స్‌ గానీ బయటికి రాలేదు ఇంతవరకూ. దాంతో ఫ్యాన్స్‌ చాలా డిజప్పాయింట్‌ అవుతున్నారు. ఈ విషయమై ఈ మధ్యే మహేష్‌ ఫ్యాన్స్‌ని బుజ్జగించే ప్రయత్నం చేశారు కూడా. సోషల్‌ మీడియాలో మహేష్‌పై తీవ్రమైన ఒత్తిడి కలుగుతోంది. అయితే తాజాగా ఈ సినిమాకి సంబంధించి ఓ లుక్‌ బయటికి వచ్చింది. అది కూడా సగం లుక్కే. ఈ లుక్‌లో హాఫ్‌ పార్ట్‌లో ఉన్న మహేష్‌ ముఖాన్ని, ఫుల్‌ పార్ట్‌గా మేనిప్లేట్‌ చేసి పండగ చేసుకుంటున్నారు ఫ్యాన్స్‌. బైలింగ్వల్‌ మూవీగా తెరకెక్కుతోంది ఈ సినిమా. ఈ సినిమాతోనే మహేష్‌ తొలిసారిగా తమిళ ప్రేక్షకుల్ని పలకరించబోతున్నాడు. ముద్దుగుమ్మ రకుల్‌ ప్రీత్‌ సింగ్‌ ఈ సినిమాలో హీరోయిన్‌గా నటిస్తోంది. 'సంభవామి' అనే టైటిల్‌ అనుకున్నారు. కానీ అధికారికంగా ప్రకటన రాలేదు. పలు టైటిల్స్‌ని పరిశీలిస్తున్నారు. కొత్తగా 'స్పైడర్‌' అనే టైటిల్‌ ప్రచారం జరుగుతోంది. భారీ బడ్జెట్‌ మూవీగా తెరకెక్కుతోంది ఈ సినిమా. ఈ సినిమా పూర్తి కాగానే మహేష్‌ కొరటాల శివ దర్శకత్వంలో ఓ సినిమా చేయాల్సి ఉంది. ఆ సినిమా కోసం కొరటాల వెయిటింగ్‌లో ఉన్నారు. ఈ సినిమా పూర్తి కాగానే ఆ సినిమాని పట్టాలెక్కించేయనున్నాడట మహేష్‌ బాబు.