`అల వైకుంఠ‌పుర‌ములో` హిట్టుతో మంచి జోష్‌లో ఉన్నాడు అల్లు అర్జున్‌. ఆ త‌ర‌వాత... `పుష్ష` ప‌ట్టాలెక్కాలి. కానీ.. లాక్ డౌన్ వ‌ల్ల షూటింగ్‌కు ఆటంకం క‌లిగింది. అది ఇప్ప‌టికీ కొన‌సాగుతూనే ఉంది. ఈ స‌మ‌యంలో బ‌న్నీ ఏం ఖాళీ గా లేడు. వ‌రుస‌గా క‌థలు వింటున్నాడు. కొర‌టాల శివ ఇటీవ‌లే బ‌న్నీకి ఓ క‌థ వినిపించాడ‌ని టాక్‌. ఇప్పుడు మ‌రో ద‌ర్శ‌కుడ్నికూడా లైన్ లో పెట్టాడు. త‌నే మ‌హి.వి.రాఘ‌వ.
ఆనందో బ్ర‌హ్మ, యాత్ర సినిమాల‌తో ఆక‌ట్టుకున్నాడు మ‌హి. `యాత్ర`లో వైఎస్ఆర్ జీవితాన్ని చూపించిన విధానం అభిమానుల‌కు బాగా న‌చ్చింది. త‌న‌లో మంచి క్రియేట‌ర్ ఉన్నాడ‌న్న విష‌యం అర్థ‌మైంది. ఇప్పుడు బ‌న్నీ కోసం ఓ క‌థ రెడీ చేశాడ‌ని టాక్‌. ఆ క‌థ ఇటీవ‌లే బ‌న్నీ కూడా విన్నాడ‌ట. `క‌థ బాగుంది.. ఇంకా డెవ‌ల‌ప్ చేయ్‌` అని భుజం త‌ట్టిన‌ట్టు తెలుస్తోంది. కొత్త ద‌ర్శకుల‌తో ప్ర‌యోగాలు చేయ‌డానికి బ‌న్నీ ముందు నుంచీ... కాస్త ఉత్సాహం చూపిస్తున్నా, ఎందుక‌నో ఆ ప్రాజెక్టులు అంత‌గా వ‌ర్క‌వుట్ కావ‌డం లేదు. మ‌రి ఈ సారి ఏం జ‌రుగుతుందో చూడాలి.
