'ఒక్కడు' మంచు నాయకుడు

మరిన్ని వార్తలు

మోహన్‌బాబు తనయుడిగా కాకుండా, తనకంటూ ఓ ప్రత్యేక గుర్తింపు తెచ్చుకున్నాడు మంచు మనోజ్‌. విలక్షణ చిత్రాలను ఎంచుకుంటూ తనదైన స్టైల్‌ ప్రదర్శిస్తున్నాడు ఈ మంచు బుల్లోడు. ఇటీవలే 'గుంటూరోడు' సినిమాతో మంచి విజయం అందుకున్నాడు. త్వరలోనే 'ఒక్కడు మిగిలాడు' చిత్రంతో రాబోతున్నాడు. ఇదో అన్‌ టోల్డ్‌ స్టోరీ. చరిత్రలో కనుమరుగైపోయిన కథ. ఈ కథని మనోజ్‌ తెరపైకి తీసుకురానున్నాడు. ఈ సినిమా కోసం మనోజ్‌ ఎల్‌టిటిఈ ప్రభాకరన్‌ పాత్రలో నటిస్తున్నాడు. ఈ పాత్ర కోసం చాలా బరువు పెరిగాడు. తాజాగా మనోజ్‌ పుట్టినరోజు సందర్భంగా ఈ సినిమాలోని రెండు స్టిల్స్‌ని చిత్ర యూనిట్‌ విడుదల చేసింది. అందులో ఒకటి ప్రభాకరన్‌ పాత్రకి సంబంధించిన స్టిల్‌ కాగా, మరోటి మామూలుగా స్లిమ్‌గా ఉన్న కాలేజీ కుర్రాడి గెటప్‌. సినిమా కోసం ఎంతో డెడికేటెడ్‌గా పని చేసే అతి కొద్ది మంది నటుల్లో మనోజ్‌ ఒక్కడు. సక్సెస్‌, ఫెయిల్యూర్స్‌తో సంబంధం లేకుండా చిత్రాలను ఎంచుకుంటాడు. అందుకే మనోజ్‌ అంటే ఇష్టపడని వారుండరు ఇండస్ట్రీలో. అందరితోనూ సఖ్యంగా మెలగుతాడు. ఓ మంచి మిత్రుడు. తెలుగు ఇండస్ట్రీతోనే కాకుండా, తమిళ ఇతర ఇండస్ట్రీల్లో కూడా మనోజ్‌కి మంచి స్నేహ సంబంధాలున్నాయి. ఈ రోజు ఈ మంచు బుల్లోడి పుట్టినరోజు. ఈ సందర్భంగా ఈ ఏడాది మనోజ్‌ నుంచి మరిన్ని మంచి సినిమాలు రావాలని ఆశిద్దాం. హ్యాపీ బర్త్‌డే టు యు మనోజ్‌!

Tags:

JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS