ఢీ.. మంచు విష్ణు కెరీర్లో తొలి సూప‌ర్ హిట్. ఈ సినిమానే... శ్రీ‌నువైట్ల‌ను పెద్ద హీరోల‌కు ద‌గ్గ‌ర చేసింది. ఇప్పుడు వీళ్ల కాంబినేష‌న్‌లో ఢీకి సీక్వెల్ వ‌స్తోంది. అదే డీ అండ్ డీ... డ‌బుల్ డోస్ అనేది ఉప‌శీర్షిక. త్వ‌ర‌లోనే ఈ సినిమా ప‌ట్టాలెక్క‌బోతోంది. ఇందులో ఇద్ద‌రు హీరోయిన్లు ఉంటార‌ని స‌మాచారం. ఆ పాత్ర‌ల కోసం అనూ ఇమ్మానియేల్, ప్ర‌గ్యా జైస్వాల్ ల‌ను ఎంచుకున్న‌ట్టు స‌మాచారం.
ఢీ లో క‌నిపించిన బ్ర‌హ్మానందం.. ఈ సినిమాలోనూ కీల‌క పాత్ర పోషిస్తున్న‌ట్టు టాక్‌. ఢీలో శ్రీ‌హ‌రిది కీల‌క పాత్ర. డ‌బుల్ డోస్ లో కూడా శ్రీ‌హ‌రిని పోలిన పాత్ర ఒక‌టి ఉంటుంద‌ట. అయితే ఆ పాత్ర‌లో ఎవ‌రు న‌టిస్తారో తెలియాలి. వ‌రుస ఫ్లాపుల త‌ర‌వాత.. శ్రీ‌నువైట్ల ఓ హిట్టు కొట్టి, త‌నని తాను నిరూపించుకోవాల‌ని చూస్తున్నాడు. అందుకే త‌న‌కు బ్రేక్ ఇచ్చిన `ఢీ` ఫార్ములాని మ‌ళ్లీ న‌మ్ముకుంటున్నాడు. మ‌రి ఈసారి ఏం జ‌రుగుతుందో చూడాలి.
