మ‌ణిశ‌ర్మ మ‌ళ్లీ ఫామ్ లోకి వ‌చ్చారు. ఒక‌ప్పుడు వ‌రుస‌గా టాప్ హీరోల‌తో సినిమాలు చేసిన మ‌ణి.. ఇప్పుడు ఇది వ‌ర‌క‌టి ల‌య‌ని అందిపుచ్చుకున్నారు. `ఆచార్య‌`తో.. మెగా ఛాన్స్ అందుకున్న మ‌ణిశ‌ర్మ చేతిలో ఇప్పుడు చాలా సినిమాలున్నాయి. అందులో అల్లు అర్జున్ సినిమా కూడా చేరింద‌న్న‌ది టాలీవుడ్ టాక్‌.

ఆచార్య త‌ర‌వాత‌.. కొర‌టాల శివ అల్లు అర్జున్ తో ఓ సినిమా చేయ‌బోతున్న సంగ‌తి తెలిసిందే. ఇటీవ‌ల ఈ సినిమాకి సంబంధించిన అధికారిక ప్ర‌క‌ట‌న కూడా వ‌చ్చేసింది. ఈ సినిమాకి కూడా మ‌ణిశ‌ర్మ‌నే సంగీతం అందించ‌నున్నాడ‌న్న‌ది టాలీవుడ్ టాక్‌. బ‌న్నీ సినిమా కోసం మ‌ణి స్వ‌రాలు అందిచ‌డం ఇది మూడోసారి. ఇది వ‌ర‌కు `ప‌రుగు`, `వ‌రుడు` సినిమాల‌కు మ‌ణిశ‌ర్మ సంగీతం అందించారు. `ప‌రుగు` యావ‌రేజ్ గా ఆడితే.. వ‌రుడు డిజాస్ట‌ర్ అయ్యింది. వ‌రుడు రిలీజ్ అయి ప‌దేళ్లు కావొస్తోంది. ప‌దేళ్ల‌కు ఈ కాంబినేష‌న్ సెట్ట‌య్యింద‌న్న‌మాట‌. బ‌న్నీకి ఓ మ్యూజిక‌ల్ హిట్ ఇవ్వ‌లేక‌పోయాన‌న్న అసంతృప్తి మ‌ణిశ‌ర్మ‌కి ఉంది. ఈసారి.. ఆ లోటు పూడ్చుకునే అవ‌కాశం ద‌క్కింది.