మాస్‌ బాడీ లాంగ్వేజ్‌తో ఆకట్టుకోగలిగే సత్తా ఉన్నా కానీ మంచు మనోజ్‌ ఎక్కువగా ప్రయోగాత్మక చిత్రాలకే ప్రాధాన్యత ఇస్తూ ఉంటాడు. ఏదో విషయం ఉంది మనోజ్‌లో అనేది తొలి సినిమాతోనే అర్ధమైపోయింది జనానికి. అయితే ఆయన నుండి ఆడియన్స్‌ కమర్షియల్‌ సినిమాలు కూడా ఎక్స్‌పెక్ట్‌ చేస్తున్నారు. అందుకు మనోజ్‌ తన అభిప్రాయాన్ని బయట పెట్టాడు. కమర్షియల్‌ సినిమాలు అవసరమే కానీ, ప్రయోగాత్మక చిత్రాలే ఒక వ్యక్తిలోని నటున్ని బయటికి తీసుకొస్తాయి. అలాంటి చిత్రాల్లో నటించడమే నాకిష్టం అన్నాడు. అలాగే ఆడియన్స్‌ కోరిక మేరకు కమర్షియల్‌ చిత్రాల్లో కూడా నటిస్తాను అన్నాడు మనోజ్‌. ఇంతవరకూ ఎక్కువ ప్రయోగాత్మక చిత్రాల్లోనే నటించాను. కానీ తాజా చిత్రం 'గుంటూరోడు' కమర్షియల్‌ ఎలిమెంట్స్‌ ఎక్కువగా ఉన్న చిత్రం. కాబట్టి ఆడియన్స్‌కి బాగా కనెక్ట్‌ అవుతుందనే నమ్మకం ఉందన్నాడు మనోజ్‌. అలాగే ఇకపై కమర్షియల్‌ సినిమాలు చేస్తూనే, మరో పక్క ప్రయోగాత్మక చిత్రాలను కూడా వదిలిపెట్టనంటున్నాడు. అయినా ప్రస్తుతం ఆడియన్స్‌ పల్స్‌ కూడా చాలా వరకూ ఛేంజ్‌ అయ్యాయి. ప్రయోగాత్మక చిత్రాలకే ఎక్కువ ఆదరణ చూపిస్తున్నారు. అవును నిజమే ప్రయోగాత్మక చిత్రాలతోనే జనం గుండెల్లో మంచి స్థానం సంపాదించుకోగలం అంటున్నాడు. మనోజ్‌ నటించిన 'గుంటూరోడు' సినిమా మార్చి 3న ప్రేక్షకుల ముందుకు వస్తోంది. ఈ సినిమాలో ప్రగ్యా జైశ్వాల్‌ హీరోయిన్‌గా నటిస్తోంది.