బాలీవుడ్ లో కెరీర్ మొదలు పెట్టి ఆ తరువాత సౌత్ లో స్థిరపడ్డ హీరోయిన్లు కొంతమంది అయితే.. మొదట సౌత్ సినిమాలతో పరిచయమై, ఆ తరువాత మెల్లగా బాలీవుడ్ చెక్కేసిన తారలు చాలా మందే ఉన్నారు. ఇప్పుడు ఆ లిస్ట్ లో డస్కీ బ్యూటీ మేఘా ఆకాష్ కూడా చేరింది. 2017 లో నితిన్ నటించిన 'లై' చిత్రం తో పరిచయమైన మేఘా ఆకాష్.. అంతకుముందే గౌతమ్ మీనన్ దర్శకత్వం వహించిన తూటా లో నటించింది, కానీ ఆ చిత్రం విడుదల వరుసగా వాయిదా పడటం తో మొదట 'లై' విడుదలైంది. ఆ తరువాత తమిళం లో సూపర్ స్టార్ రజిని 'పేట' (2019) లో డెబ్యూ చేసింది . ఇక తాజాగా ఈ అమ్మడికి బాలీవుడ్ లో ఓ బంపర్ ఆఫర్ దక్కింది.
కండల వీరుడు సల్మాన్ ఖాన్ నటిస్తున్న భారీ బడ్జెట్ యాక్షన్ చిత్రం 'రాధే'. ఈ చిత్రం లో మేఘా ఆకాష్ కు ఒక మంచి రోల్ దక్కిందనే వార్త తాజాగా చక్కర్లు కొడుతుంది. దర్శకుడి గా మారిన పాన్ ఇండియా కొరియోగ్రాఫర్ ప్రభుదేవా ఈ చిత్రానికి దర్శకత్వం వహిస్తున్నాడు. 'పేట' లో మేఘా అభినయం చూసి ఈ చిత్రం లో అవకాశం ఇచ్చాడు. రజిని పుణ్యమా అంటూ సౌత్ మొత్తం తెలిసిన మేఘా ఆకాష్, ఇప్పుడు సల్మాన్ ఖాన్ చిత్రం ద్వారా నార్త్ లో కూడా తన సత్తా చాటనుంది.
