వెబ్ సిరీస్‌ల హ‌వా బాగా పెరిగిపోతోంది. స్టార్లు సైతం వీటిపై ఆస‌క్తి చూపిస్తున్నారు. తెలుగులోనూ మంచి వెబ్ సిరీస్‌లు నిర్మించ‌డానికి ప్ర‌య‌త్నాలు సాగుతున్నాయి. ప్ర‌తిష్టాత్మ‌క నిర్మాణ సంస్థ‌లు వెబ్ సిరీస్‌ల రూప కల్ప‌న‌లో నిమ‌గ్న‌య్యాయి. తాజాగా రామ్ చ‌ర‌ణ్ కూడా వెబ్ సిరీస్‌ల నిర్మాణంపై దృష్టి పెట్టిన‌ట్టు స‌మాచారం.

కొణిదెల ప్రొడ‌క్ష‌న్స్ లో చ‌ర‌ణ్ ఇప్పుడు సినిమాలు తీస్తున్నాడు. త్వ‌ర‌లోనే వెబ్ సిరీస్‌లనూ తీసుకొచ్చే ఆలోచ‌న‌లో ఉన్న‌ట్టు తెలుస్తోంది. ఈమ‌ధ్య చిరు ఓ ఇంట‌ర్వ్యూలో వెబ్ సిరీస్‌ల ప్ర‌స్తావ‌న తీసుకొచ్చాడు. మంచి కంటెంట్‌తో ఎవ‌రైనా వ‌స్తే, త‌ప్ప‌కుండా చేస్తాన‌న్నాడు. చిరు త‌న‌య సుస్మిత ఓ వెబ్ సిరీస్ నిర్మించే ఆలోచ‌న‌లో ఉన్న‌ట్టు చెప్పాడు. ఇప్పుడు ఆ వెబ్ సిరీస్ చ‌ర‌ణ్ ఆధ్వ‌ర్యంలో నిర్మించే అవ‌కాశం ఉంద‌ని తెలుస్తోంది. ఈ వెబ్ సిరీస్ సుస్మిత ఆధ్వర్యంలో సాగుతుంద‌ని, చ‌ర‌ణ్ దానికి అండ‌దండ‌లు అందిస్తాడ‌ని స‌మాచారం. మ‌రి ఈ మెగా వెబ్ సిరీస్‌ని ముందుకు న‌డిపించే ద‌ర్శ‌కుడు ఎవ‌రో? అస‌లు వెబ్ సిరీస్ ఏ జోన‌ర్‌లో సాగుతుందో, ముహూర్తం ఎప్పుడో తెలియాలంటే ఇంకొంత కాలం ఆగాలి.