'కృష్ణగాడి వీర ప్రేమగాధ' సినిమాతో తెలుగు తెరకు పరిచయమైన బ్యూటీ మెహరీన్‌ కౌర్‌. సూపర్‌ హిట్‌ అందుకుని తొలి సినిమాతోనే లక్కీ గాళ్‌ అనిపించేసుకుంది. అయితే ఆ తర్వాత చాలా గ్యాప్‌ తీసుకుంది ఈ ముద్దుగుమ్మ. ఒన్‌ డే అడ్వంచర్‌లా ఒక్క సినిమాతోనే అమ్మడు మాయమైపోయిందనుకున్నారంతా. కానీ తెర వెనుక కామ్‌గా ఇల్లు చక్కదిద్దేసుకుంది ఈ పంజాబీ బ్యూటీ. ఏకంగా ఒకటి కాదు, రెండు కాదు ఐదారు సినిమాల్లో అవకాశాలు దక్కించేసుకుంది. అయితే ఆ విషయం లేటుగా బయట పడింది. అతి త్వరలో ఈ ముద్దుగుమ్మ 'మహానుభావుడు' సినిమాతో మన ముందుకు వచ్చేస్తోంది. శర్వానంద్‌ హీరో. శర్వానంద్‌, మెహరీన్‌ జంట చూడ ముచ్చటగా ఉంది ఈ సినిమాలో. తొలి సినిమాలో నాని పక్కన కొంచెం బొద్దుగా ముద్దుగా కనిపించిన ఈ బ్యూటీ ఇప్పుడు కొంచెం సన్నబడి నాజూగ్గా తయారైంది. నాజూకు సౌందర్యంతో ఇంకా బాగా ఎట్రాక్ట్‌ చేసేస్తోంది. ఇది కాక మాస్‌ రాజా రవితేజ సినిమా కూడా విడుదలకు సిద్ధంగా ఉంది. రవితేజ అంధుడిగా నటిస్తోన్న 'రాజా ది గ్రేట్‌' సినిమాలోనూ ఈ అమ్మడే హీరోయిన్‌. అంతేకాదండోయ్‌ ఈ చలాకీ పిల్ల మెగా కాంపౌండ్‌నీ టచ్‌ చేసేసింది. సాయి ధరమ్‌ తేజ్‌ హీరోగా 'జవాన్‌' సినిమా తెరకెక్కుతోన్న సంగతి తెలిసిందే. ఈ సినిమాలో మెగా మేనల్లుడితో జత కడుతున్న బ్యూటీ కూడా మెహరీనే. ఇవే కాదు తమిళంలోనూ అమ్మడు ఒకటి రెండు అవకాశాలతో బిజీగానే ఉంది. సో నాని హీరోయిన్‌ని అంత తేలిగ్గా అంచనా వేసేందుకు లేదండోయ్‌. గడుసు పిల్లే!
