డిజిటల్‌ ఎంట్రీ ఇస్తోన్న నాని హీరోయిన్‌.!

By Inkmantra - March 09, 2020 - 14:00 PM IST

మరిన్ని వార్తలు

వెండితెరపై అవకాశాలెంతలా ఉన్నా, స్టార్‌డమ్‌తో సంబంధం లేకుండానే డిజిటల్‌ స్క్రీన్‌పై మోజు పడుతున్న రోజులివి. స్టార్‌ హీరోలూ, స్టార్‌ హీరోయిన్లతో ఇప్పటికే డిజిటల్‌ ప్లాట్‌ఫామ్‌లో ట్రాఫిక్‌ జామ్‌ ఎక్కువయిపోయింది. ఇక తాజాగా ముద్దుగుమ్మ మెహ్రీన్‌ కూడా డిజిటల్‌ స్క్రీన్‌పై కన్నేసినట్లు తెలుస్తోంది. ఓ హిందీ వెబ్‌ సిరీస్‌కి సంబంధించి ప్రముఖ నిర్మాణ సంస్థ మెహ్రీన్‌ని సంప్రదించిందట. ప్రస్తుతం చెప్పుకోదగ్గ ప్రాజెక్టులేమీ లేకపోవడంతో, వచ్చిన సదవకాశాన్ని ఎందుకు వదుకోవాలని.. మెహ్రీన్‌ వెంటనే ఓకే చెప్పేసిందట. త్వరలోనే ఈ వెబ్‌సిరీస్‌ రూపొందనుందనీ తెలుస్తోంది.

 

ఇదిలా ఉంటే, ఈ ఏడాది మెహ్రీన్‌ ఏకంగా మూడు సినిమాలతో ప్రేక్షకుల్ని అలరించింది. తెలుగులో ‘ఎంత మంచి వాడవురా’, ‘అశ్వథ్ధామ’ చిత్రాలతో ఆకట్టుకున్న మెహ్రీన్‌, తమిళంలో ధనుష్‌ సరసన ‘పటాస్‌’ సినిమాలో నటించింది. ఈ సినిమాని ‘గల్లీ బోయ్‌’ పేరుతో తెలుగులోనూ రిలీజ్‌ చేశారు. తమిళంలో బ్లాక్‌ బస్టర్‌ హిట్‌ కొట్టింది కానీ, తెలుగులో ఓకే అనిపించుకుంది ఈ సినిమా. ప్రస్తుతం మరికొన్ని కొత్త ప్రాజెక్టులు ఒప్పుకునేందుకు సిద్ధంగా ఉన్న మెహ్రీన్‌, ఇటు వెండితెరనూ, అటు డిజిటల్‌ తెరనూ ఎట్‌ ఏ టైమ్‌ మ్యానేజ్‌ చేయానుకుంటోందట. చూడాలి మరి.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS