గాయ‌త్రి త‌ర‌వాత.. మ‌రో సినిమా చేయ‌లేదు మోహ‌న్ బాబు. కొంత గ్యాప్ త‌ర‌వాత.. ఆయ‌న నుంచి మ‌రో సినిమా వ‌స్తోంది. అదే... `స‌న్ ఆఫ్ ఇండియా`. ల‌క్ష్మీ ప్ర‌స‌న్న పిక్చ‌ర్స్ ప‌తాకంపై మోహ‌న్ బాబు నిర్మిస్తున్నారు. డైమండ్ ర‌త్న‌బాబు ద‌ర్శ‌క‌త్వం వ‌హిస్తారు. ర‌చ‌యిత‌గా పేరు తెచ్చుకున్న డైమండ్ ర‌త్న‌బాబు `బుర్ర క‌థ`తో ద‌ర్శ‌కుడిగా మారారు. ద‌ర్శ‌కుడిగా ఇది ఆయ‌న రెండో సినిమా.
1992 నేప‌థ్యంలో సాగే క‌థ ఇది. దేశ‌భ‌క్తి నేప‌థ్యంలో న‌డిచే క‌థ అని టైటిల్‌, లోగో డిజైన్‌ని బ‌ట్టే అర్థం అవుతున్నాయి. ఈరోజు ఆగ‌స్టు 15 సంద‌ర్భంగా.. టైటిల్‌, పోస్ట‌ర్‌ని విడుద‌ల చేశారు. న‌టీన‌టులు, సాంకేతిక నిపుణుల ఎంపిక జ‌రుగుతోంది. త్వ‌ర‌లో పూర్తి వివ‌రాలు తెలుస్తాయి.
