ఎన్టీఆర్ బ‌యోపిక్ లో ఇప్ప‌టికే చాలా ఆక‌ర్ష‌ణ‌లున్నాయి. చాలామంది స్టార్లు క‌నిపిస్తున్నారు. అయినా.. నంద‌మూరి అభిమానుల్లో ఏదో లోటు. నంద‌మూరి నాలుగోత‌రం వార‌సుడు మోక్ష‌జ్ఞ కూడా ఎన్టీఆర్‌లో క‌నిపిస్తే బాగుంటుంద‌న్న‌ది వాళ్ల ఆశ‌. నిజానికి బాల‌య్య ప్లానింగ్ కూడా అదే. ఎన్టీఆర్ యుక్త వ‌య‌సు పాత్ర‌ని మోక్ష‌జ్ఞ తో చేయించాల‌ని భావించారు. కానీ అంత‌లోనే మ‌న‌సు మార్చుకున్నారు.

అలా.. `ఎన్టీఆర్‌`లో క‌నిపించే అరుదైన అవ‌కాశాన్ని మోక్ష‌జ్ఞ చేజారింది. అయితే.. ఎన్టీఆర్ సెట్లో మోక్ష‌జ్ఞ సంద‌డి చేశాడు. ఇటీవ‌ల‌.. ఎన్టీఆర్ సెట్లో అడుగుపెట్టాడు మోక్ష‌జ్ఞ‌. తాత‌గారి క‌థ‌ని తెర‌కెక్కిస్తున్న విధానం ఎలా ఉంది?  ఆ పాత్ర‌లో నాన్న ప‌ర‌కాయ ప్ర‌వేశం చేసిన విధానం ఎలా ఉంది? అనేది ద‌గ్గ‌రుండి తెలుసుకోవ‌డానికి సెట్‌కి వ‌చ్చాడ‌ట‌.

ఈ సంద‌ర్భంలో క్రిష్ ఈ సినిమా గురించిన ముఖ్య‌మైన విష‌యాల్ని, విశేషాల్నీ మోక్ష‌జ్ఞ‌తో పంచుకున్నార‌ని స‌మాచారం. 2019లోనే మోక్ష‌జ్ఞ క‌థానాయ‌కుడిగా ఎంట్రీ ఇచ్చే అవకాశాలున్నాయ‌ని తెలుస్తోంది. ఆ చిత్రానికి క్రిష్ ద‌ర్శ‌క‌త్వం వ‌హిస్తార‌న్న‌ది ఫిల్మ్‌న‌గ‌ర్ వ‌ర్గాల టాక్‌.