ద‌స‌రా, దీపావ‌ళికి బాక్సాఫీసు ద‌గ్గ‌ర పెద్ద సినిమాలు వ‌రుస క‌ట్టాయి. ఆ త‌ర‌వాత‌... అలాంటి హ‌డావుడేం క‌నిపించ‌లేదు. ఈవారం మాత్రం సినీ ప్రేక్ష‌కుల‌కు పండగే. ఎందుకంటే ఏకంగా ఆరేడు సినిమాలు ప్రేక్ష‌కుల ముందుకు వ‌స్తున్నాయి. అన్నీ చిన్నా, మీడియం సైజు సినిమాలే. కాక‌పోతే.. ఒక‌ట్రెండు సినిమాల‌పై గ‌ట్టిగా ఫోక‌స్ ప‌డింది. వాటిలో... ఊర్వ‌శివో.. రాక్ష‌సివో, లైక్‌, షేర్, స‌బ్‌స్క్రైబ్ ఉన్నాయి.

అల్లు శిరీష్ క‌థానాయ‌కుడిగా గీతా ఆర్ట్స్ 2 బ్యాన‌ర్‌లో తెర‌కెక్కించిన సినిమా ఊర్వ‌శివో -రాక్ష‌సివో. అను ఇమ్మానియేల్ క‌థానాయిక‌గా న‌టించిన ఈ సినిమా ఈ వార‌మే వ‌స్తోంది. ట్రైల‌ర్ బాగుంది. పాట‌లు కూడా ప్రామిసింగ్ గానే ఉన్నాయి. రొమాంటిక్ జోన‌ర్ కాబ‌ట్టి... యూత్ కి క‌నెక్ట్ అయ్యే అవ‌కాశాలున్నాయి. అదే జ‌రిగితే...శిరీష్ ఎదురు చూస్తున్న హిట్ ప‌డిన‌ట్టే.

ఈవార‌మే... సంతోష్ శోభ‌న్ సినిమా `లైక్ షేర్ స‌బ్‌స్క్రైబ్‌` వ‌స్తోంది. ఫ‌రియా అబ్దుల్లా క‌థానాయిక‌గా న‌టించింది. మేర్ల‌పాక గాంధీ ద‌ర్శ‌కుడు. ఈ సినిమాకి ప్ర‌మోష‌న్లు భారీగా జ‌రిగాయి. ప్ర‌చార చిత్రాలు సైతం ఆక‌ట్టుకొంటున్నాయి. ఎలా చూసినా.. ఈ సినిమాకీ మంచి ఓపెనింగ్స్ ద‌క్కే అవ‌కాశం ఉంది. వీటితో పాటు త‌గ్గేదే లే, బొమ్మ బ్లాక్ బ‌స్ట‌ర్‌, జెట్టి, ప్ర‌తిబింబాలు.. ఇవ‌న్నీ ఈ వార‌మే వ‌స్తున్నాయి. ఈమ‌ధ్య చిన్న సినిమాలు మంచి విజ‌యాల్ని అందుకొంటున్న త‌రుణంలో.. వీటిలో ఏ ఒక్క‌టి హిట్ట‌యినా బాక్సాఫీసు ద‌గ్గ‌ర సంద‌డి మొద‌లైన‌ట్టే.