మురుగదాస్‌ సినిమా అంటేనే ఏదో సోషల్‌ మెసేజ్‌ ఖచ్చితంగా ఉంటుంది. సీనియర్‌ హీరోల ద్వారా ఆ మెసేజ్‌ని పాస్‌ చేయించడంలో మురుగదాస్‌ స్టైలే వేరు. అలాంటి మురుగదాస్‌ డైరెక్షన్‌లో 'తుపాకీ', 'కత్తి' సినిమాలు చేశాడు తమిళ హీరో విజయ్‌. ఇందులో 'తుపాకీ' తెలుగులోకి డబ్‌ అవగా, 'కత్తి' తెలుగులోకి 'ఖైదీ నెంబర్‌ 150' పేరుతో చిరంజీవి హీరోగా రీమేక్‌ అయ్యింది. 'తుపాకీ', 'కత్తి' సినిమాలు రెండూ తమిళంలో విజయ్‌కి హీరోగా సూపర్‌ సక్సెస్‌లను ఇచ్చాయి. అలా వీరిద్దరిది హిట్‌ కాంబినేషన్‌ అని అందరూ అనుకుంటున్నారు. అందుకే వీరి కాంబినేషన్‌లో మరో హ్యాట్రిక్‌ ఫిలింకి రంగం సిద్ధమవుతోంది. లైకా ప్రొడక్షన్స్‌ సంస్థ ఈ చిత్రాన్ని నిర్మించవచ్చునట. చిరంజీవి 150వ సినిమాని కూడా తెరకెక్కించింది ఈ సంస్థే. విజయ్‌, మురుగదాస్‌ కూడా ఈ చిత్ర నిర్మాణంలో భాగం పంచుకుంటారని సమాచారమ్‌. ఓ ప్రముఖ బాలీవుడ్‌ హీరోయిన్‌ని ఈ సినిమా కోసం ఎంపిక చేస్తారని తెలియవస్తోంది. మరో పక్క మురుగదాస్‌, సూపర్‌ స్టార్‌ మహేష్‌తో ఓ బైలింగ్వల్‌ మూవీని తెరకెక్కిస్తున్న సంగతి విదితమే. ఆ సినిమాకి 'సంభవామి' అనే పవర్‌ ఫుల్‌ టైటిల్‌ని ఫిక్స్‌ చేశారు. ఈ సినిమా పూర్తి కాగానే మురుగదాస్‌ నుంచి విజయ్‌ హీరోగా మరో పవర్‌ ఫుల్‌ సినిమా రాబోతోందన్న మాట. ఈ సినిమాని కూడా తెలుగులోకి డబ్‌ చేసే అవకాశాలున్నాయి. లేదా ఎట్‌ ఏ టైమ్‌ తెలుగులోనూ ఈ సినిమాను మురుగదాస్‌ తెరకెక్కించినా ఆశ్చర్యపోనక్కర్లేదు. అక్కడా, ఇక్కడా మురుగదాస్‌కి ఉన్న ఫాలోయింగ్‌ అలాంటిది కదా.