సూర్య 'సింగం' సినిమాకి లైన్‌ క్లియర్‌ అయ్యే టైం వచ్చినట్లే కనిపిస్తోంది. ఫిబ్రవరి 3వ తేదీన ఈ సినిమా విడుదలవుతుందట. తాజాగా కన్‌ఫామ్‌ చేసిన డేట్‌ ఇది. అయితే దీన్ని నమ్మడానికి వీల్లేదేమో. ఎందుకంటే ఇప్పటికే పలుమార్లు సినిమా విడుదల పోస్ట్‌పోన్‌ అయ్యింది. డిసెంబర్‌లో విడుదల కావాల్సి ఉండగా, కొన్ని కారణాలతో వాయిదా పడింది. 'జల్లికట్టు' కారణంగా జనవరి 26న విడుదల కావాల్సి ఉన్న ఈ మూవీ వెనక్కి వెళ్ళింది. అయితే తమిళనాడులో జల్లికట్టు తదనంతరం పరిస్థితి నివురుగప్పిన నిప్పులానే ఉంది. విద్యార్థులపై కేసుల నేపథ్యంలో ఏ క్షణాన పరిస్థితులు ఎలా ఉంటాయో తెలియడంలేదు. కాబట్టి 'సింగం-3' థియేటర్లలోకి వచ్చేదాకా రిలీజ్‌ డేట్స్‌ని నమ్మడానికి వీల్లేదు. అయితే ప్రస్తుతానికి మాత్రం చిత్ర యూనిట్‌ ఫిబ్రవరి 3ని ఫిక్స్‌ చేసుకుంది. ఈ మధ్య వరుసగా పరాజయాలు చవి చూస్తున్న సూర్యకి 'సింగం' రూపంలో హిట్‌ కలిసొస్తుందనుకుంటూ ఈ సినిమాకి మరిన్ని సినిమా కష్టాలు తోడవుతున్నాయి. ఈ సారైనా ఈ సినిమా ప్రేక్షకుల ముందుకు రావాలని ఆయన ఫ్యాన్స్‌ కోరుకుటున్నారు. హరి దర్శకత్వంలో రూపొందిన ఈ చిత్రంలో శృతిహాసన్‌, అనుష్క హీరోయిన్లుగా నటించారు. సినిమాలో సూర్య యాక్షన్‌ ఓ ఎత్తైతే అనుష్క, శృతిహాసన్‌ అందాలు మరో ఎత్తుగా నిలవననున్నాయి. ఆ అందాలను ఎంజాయ్‌ చేయడానికైనా, సింగం ఈ సారైనా గర్జిస్తుందో లేదో చూడాలి మరి.