నాగచైతన్య ఫస్ట్‌ మూవీ 'జోష్‌' అయినా సెకండ్‌ మూవీ 'ఏ మాయ చేశావె'తో సూపర్‌ హిట్‌ అందుకున్నాడు. అందుకు కారణం సమంత. ఆ సినిమాతోనే చైతూ కెరీర్‌ టర్న్‌ అయ్యింది. ఆ తర్వాత 'ఆటోనగర్‌ సూర్య' అంతంత మాత్రమే అయినా అక్కినేని ఫ్యామిలీకి మర్చిపోలేని జ్ఞాపకాల తీపి గుర్తుగా మిగిలిపోయిన చిత్రం 'మనం'. ఆ సినిమాలోనూ సమంత హీరోయిన్‌గా నటించింది.

ఆ తర్వాత చైతూతో సమంత ప్రేమాయణం.. పెళ్లి.. పెళ్లి తర్వాత సమంత కెరీర్‌ జోరు మీదుండడం ఇదంతా తెలిసిన విషయాలే. పెళ్లి తర్వాత చైతూ, సమంత తొలిసారి స్క్రీన్‌ షేర్‌ చేసుకోబోతున్న సినిమా 'మజిలీ'. ఏప్రిల్‌ 5న ప్రేక్షకుల ముందుకు రానుంది. ఆల్రెడీ టీజర్‌ ఓ మోస్తరు అంచనాల్ని క్రియేట్‌ చేసింది. లేటెస్ట్‌గా విడుదలైన సాంగ్‌ వీడియో క్లిప్పింగ్స్‌ చూస్తుంటే, ఈ సినిమాకి 'ఏ మాయ చేశావె' ఫ్లేవర్‌ బాగా కనిపిస్తోంది. చైతూ లుక్స్‌, బాడీ లాంగ్వేజ్‌ ఆ సినిమానే తలపిస్తున్నాయి.

సో చైతూకి ఆ రేంజ్‌ హిట్‌ ఇచ్చే సినిమా 'మజిలీ' అవుతుందని సినీ ప్రముఖులు అంచనా వేస్తున్నారు. 'సవ్యసాచి' చిత్రంతో సూపర్‌ హిట్‌ కొట్టాలని తెగ తాపత్రయపడ్డాడు చైతూ. కానీ కుదరలేదు. ఇక భార్య శామ్‌ రూపంలోనే చైతూకి ఆ కోరిక తీరాలని రాసి పెట్టుందేమో. చూడాలిక. శివ నిర్వాణ ఈ సినిమాకి దర్శకత్వం వహించాడు.