థియేట‌ర్లు తెర‌చుకోవ‌డానికి తెలుగు ప్ర‌భుత్వాలు అనుమ‌తులు ఇచ్చేయ‌డంతో.. కొత్త సినిమాలు బాక్సాఫీసు ద‌గ్గ‌ర సంద‌డి చేయ‌డానికి సిద్ధ‌మ‌య్యాయి. జులై 8 నుంచే... ఏపీలో థియేట‌ర్లు తెర‌చుకోవ‌చ్చు. కాక‌పోతే.. ఈనెల చివ‌రి వారంలోనే కొత్త సినిమాల తాకిడి క‌నిపించ‌బోతోంది. అంద‌రి కంటే ముందుగా నాగ‌చైతన్య `ల‌వ్ స్టోరీ`ని విడుద‌ల చేస్తార‌నుకున్నారంతా. ఈనెల 23న ల‌వ్ స్టోరీని విడుద‌ల చేయాల‌ని నిర్మాత‌లు డిసైడ్ అయ్యారు. అయితే.. వెంక‌టేష్ వ‌ల్ల‌.... `ల‌వ్ స్టోరీ` మ‌రోసారి వాయిదా ప‌డింది.

విష‌యం ఏమిటంటే... వెంక‌టేష్ న‌టించిన `నారప్ప‌`ని ఓటీటీలో విడుద‌ల చేయ‌బోతున్నారు. హాట్ స్టార్ లో ఈనెల 24న `నారప్ప‌` స్ట్రీమింగ్ కానుంద‌ని స‌మాచారం. దాని కంటే ఓ రోజు ముందు `ల‌వ్ స్టోరీ` రావడం బాగోద‌ని నిర్మాత‌లు కాస్త వెన‌క్కి త‌గ్గార‌ని తెలుస్తోంది. అందుకే... జులై చివ‌రి వారంలో `ల‌వ్ స్టోరీ`ని విడుద‌ల చేయాల‌ని డిసైడ్ అయ్యార్ట‌. త్వ‌ర‌లోనే విడుద‌ల తేదీని అధికారికంగా ప్ర‌క‌టించే అవ‌కాశం ఉంది. మ‌రో వైపు ట‌క్ జ‌గ‌దీష్‌, విరాట‌ప‌ర్వం సినిమాలు కూడా విడుద‌ల‌కు రెడీగా ఉన్నాయి. అతి త్వ‌ర‌లోనే.. ఆయా సినిమాల విడుద‌ల తేదీలు ఖ‌రారయ్యే అవ‌కాశాలున్నాయి.