మెగా హీరోల కాంపౌండ్ లో ఓ సినిమా చేయ‌డం వ‌ల్ల చాలా సౌల‌భ్యాలుంటాయి. ఆ సినిమా గ‌నుక హిట్ట‌యితే.. వ‌రుస‌గా మెగా హీరోలతో సినిమాలు చేసే ఛాన్స్ వ‌చ్చేస్తుంది. ఇప్పుడు సురేంద‌ర్‌రెడ్డి విష‌యంలో అదే జ‌రిగింది. అల్లు అర్జున్ కి `రేసుగుర్రం` అనే సూప‌ర్ హిట్టు ఇచ్చాడు సురేంద‌ర్ రెడ్డి. దాంతో.. చ‌రణ్ తో ధృవ రీమేక్ చేసే ఛాన్స్ ద‌క్కింది. ఆ త‌ర‌వాత ఏకంగా చిరుతో `సైరా`నే తెర‌కెక్కించ‌గ‌లిగాడు. ఇప్పుడు ప‌వ‌న్ క‌ల్యాణ్ తో ఓ సినిమా చేయ‌బోతున్నాడు సురేంద‌ర్ రెడ్డి. అలా మెగా హీరోలంద‌రినీ ఓ రౌండ్ వేసేసిన‌ట్టైంది. ఇప్పుడు ఈత‌రం హీరో వైష్ఖ‌వ్ తేజ్ తోనూ... సూరి ఓ సినిమా చేస్తున్నాడ‌ని టాలీవుడ్ టాక్‌.

ఉప్పెన‌తో తొలి అడుగులోనే సూప‌ర్ హిట్టు అందుకున్నాడు వైష్ణ‌వ్ తేజ్. ఇప్పుడు క్రిష్ ద‌ర్శ‌క‌త్వంలో ఓ సినిమా చేస్తున్నాడు. త్వ‌ర‌లోనే అన్న‌పూర్ణ సంస్థ‌లో ఓ సినిమా చేయ‌నున్నాడు వైష్ణ‌వ్. ఈ క్ర‌మంలోనే.. సురేంద‌ర్ రెడ్డి - వైష్ణ‌వ్ కాంబో కూడా సెట్ట‌య్యింద‌ని స‌మాచారం. ఈ చిత్రానికి మ‌రో ద‌ర్శ‌కుడు ద‌శ‌ర‌థ్ క‌థ‌ని అందిస్తున్నాడ‌ట‌. ప్ర‌స్తుతం అఖిల్ తో `ఏజెంట్` రూపొందిస్తున్నాడు సూరి. ఆ త‌ర‌వాత‌.. ఈ సినిమా ఉండొచ్చు.