యువ సామ్రాట్ నాగ చైతన్య-రకుల్ జంటగా నటిస్తున్న చిత్రం- రారండోయ్ వేడుక చూద్దాం.
ఈ చిత్రానికి సంబందించిన షూటింగ్ హైదరాబాద్ లోని గచ్చిబౌలి పరిసర ప్రాంతాల్లో జరుగుతుంది. ఈ రోజు ఉదయం గచ్చిబౌలి లోని ఒక ప్రముఖ షాపింగ్ మాల్ లో ఒక పాట షూటింగ్ జరిగింది. ఇందులో హీరో-హీరోయిన్ చైతు-రకుల్ పాల్గొన్నారు. ఈ షూటింగ్ చూసిన వారంతా చైతు-రకుల్ జంటగా బాగున్నారని, ముఖ్యంగా రకుల్ అచ్చ తెలుగు అమ్మాయి గెటప్ లో కనపడడం హైలైట్.
ఇక ఈ చిత్రాన్ని మే 19న విడుదల చేయనున్నట్టు దర్శకుడు కళ్యాణ్ కృష్ణ ఇంతకుముందే తెలిపారు. ఈ ఫ్యామిలీ ఎంటర్టైనర్ ని అన్నపూర్ణ స్టూడియోస్ పతాకం పై నాగార్జున నిర్మిస్తున్నారు.
