ఈ మధ్య చైతూ యూత్‌కి కనెక్ట్‌ అయ్యే కథలనే ఎంచుకుంటున్నాడు. లేటెస్టుగా చైతూ మరో యూత్‌ ఫుల్‌ మూవీతో వస్తున్నాడు. యూత్‌ ఇన్‌స్పైర్‌ అయ్యే డైలాగ్స్‌ ఈ సినిమాలో చాలా ఉన్నాయి. అదే నాగ చైతన్య హీరోగా తెరకెక్కుతోన్న 'యుద్ధం శరణం' సినిమాలో. ఆర్‌.వి.కృష్ణ మరిముత్తు ఈ సినిమాకి దర్శకత్వం వహిస్తున్నారు. చైతన్య, కృష్ణ ఇద్దరూ మంచి స్నేహితులు. ఈ ఇద్దరి కలయికలో తెరకెక్కుతోన్న ఈ సినిమా మంచి విజయం అందుకోనుందని చిత్ర యూనిట్‌ ఆశా భావం వ్యక్తం చేస్తోంది. చైతన్య బాడీ లాంగ్వేజ్‌కి తగ్గట్లుగా తెరకెక్కుతోన్న సినిమా ఇది. చైతూని చాలా క్లోజ్‌గా అబ్జర్వ్‌ చేశాడు ఓ బెస్ట్‌ ఫ్రెండ్‌గా డైరెక్టర్‌ కృష్ణ. అందుకే ఈ సినిమాలోని ప్రతీ డైలాగ్‌, ప్రతీ సీన్‌ని చాలా నేచురల్‌గా తెరకెక్కించగలిగాడట. ఓ సామాన్య యువకుడు తన జీవితంలో ఎదురైన పరిస్థితుల కారణంగా హీరోగా ఎలా మారాడనేదే ఈ సినిమా కథ. విలన్‌గా సీనియర్‌ నటుడు శ్రీకాంత్‌ నటిస్తున్నాడు. శ్రీకాంత్‌ క్యారెక్టర్‌ చాలా కొత్తగా, అంతకన్నా క్రూయల్‌గా డిజైన్‌ చేశాడు డైరెక్టర్‌. లావణ్య త్రిపాఠి హీరోయిన్‌గా నటిస్తోంది. ఆదివారం రాత్రి ఈ చిత్ర ఆడియో వేడుక ఘనంగా జరిగింది. ఈ సందర్భంగా సినిమా ధియేట్రికల్‌ ట్రైలర్‌ని విడుదల చేసింది చిత్ర యూనిట్‌. 'మన జీవితాలు ఆనందంగా ఉన్నప్పుడు ప్రపంచమంతా అద్భుతంగానే అనిపిస్తుంది. అది మన ప్రపంచం. కానీ ఆ జీవితాల్ని కుదిపేస్తూ ఒక కట్‌ త్రోట్‌ క్రిమినల్‌..' అంటూ చైతూ చెప్పే డైలాగులు సినిమాపై ఆశక్తిని పెంచుతున్నాయి. వరుస విజయాలతో సైలెంట్‌గా దూసుకొస్తున్నాడు చైతూ. సెప్టెంబర్‌ 8న రాబోతున్న 'యుద్ధం శరణం'తో ఎలాంటి విజయాన్ని తన ఖాతాలో వేసుకుంటాడో చూడాలిక.