'ఫిదా' చిత్రంతో టాలీవుడ్ ప్రేక్షకులని ఫిదా చేసిన హీరోయిన్ సాయి పల్లవి. మలయాళ చిత్రం 'ప్రేమమ్' తో మంచి గుర్తింపు తెచ్చుకున్న సాయి పల్లవి, కోలీవుడ్ లో తన రెండవ చిత్రానికి గ్రీన్ సిగ్నల్ ఇచ్చేసింది. తమిళంలో ఇప్పటికే విజయ్ దర్శకత్వంలో కరు చిత్రంలో నటిస్తుండగా, రెండవ చిత్రం కోలీవుడ్ స్టార్ కమెడియన్ సంతానం తో నటించటానికి ఓకే చెప్పింది.

తమిళంలో సంతానం హాస్య నటుడిగా మంచి గుర్తింపు తెచ్చుకుని, ఇప్పుడు హీరోగా మారి వరుసగా మూడు చిత్రాల్లో నటిస్తూ బిజీగా మారిపోయాడు. ఇవి కాకుండా తాజాగా ఎం. రాజేష్ దర్శకత్వంలో నటించటానికి సిద్ధమైపోయాడు. దర్శకుడు రాజేష్ ఇప్పటివరకు డైరెక్ట్ చేసిన ఆరు సినిమాల్లో, అయిదు సినిమాలు హీరోకి సమానమైన పాత్రల్లో సంతానం నటించాడు.

ఈ సారి సంతానం కమెడియన్ గా కాకుండా ఏకంగా హీరోగా నటిస్తున్నాడు. ఇందులో సంతానం కి జంటగా సాయి పల్లవి నటిస్తుంది. ప్రముఖ నిర్మాణ సంస్థ నిర్మించే ఈ చిత్రం త్వరలో సెట్స్ పైకి వెళ్లనుంది.