మాస్‌ హీరో అనిపించుకోవాలని ఏ హీరో అయినా అనుకుంటాడు. ఎందుకంటే ఒక్కసారి మాస్‌లో ఫాలోయింగ్‌ వచ్చిందంటే చాలు అది అంత తొందరగా పోదు. అందుకే క్లాస్‌ హీరోగా ఎన్ని సక్సెస్‌లు కొట్టినా, ఒక్కసారైనా మాస్‌ హీరో అనిపించుకోవాలనేదే మన హీరోల తపన. అందుకోసం మళ్లీ మళ్లీ పడి లేచే కెరటాల్లా మన హీరోలు ప్రయత్నిస్తూనే ఉంటారు. తాజాగా ఈ లిస్టులో యంగ్‌ హీరో నాగ శౌర్య కూడా ఎప్పటినుండో ప్రయత్నాలు చేస్తూనే ఉన్నాడు. 

'జ్యో అచ్చుతానంద' తదితర చిత్రాలతో క్లాస్‌ హిట్స్‌ని సొంతం చేసుకున్నాడు మనోడు. పక్కింటి అబ్బాయి ఫీచర్స్‌తో ఎన్ని క్లాస్‌ హిట్స్‌ కొట్టినా, ఆ ఇమేజ్‌ జస్ట్‌ ఫ్యామిలీస్‌కే పరిమితమైపోతోంది. కానీ మాస్‌ని ఎట్రాక్ట్‌ చేయడం ఎలా? గతంలో 'జాదూగాడు' చిత్రంతో మన స్మార్ట్‌ హీరో నాగశౌర్య ఓ సారి మాస్‌ ఇమేజ్‌  కి  ట్రై చేశాడు. అయితే అప్పుడది వర్కవుట్‌ కాలేదు. కానీ ఈ సారి మరోలా ట్రై చేస్తున్నాడు. నాగశౌర్య లేటెస్ట్‌ చిత్రం 'ఛలో'. ఫిబ్రవరిలో విడుదలకు రెడీ అవుతోంది. ఈ సినిమా పూర్తిగా మాస్‌ అని చెప్పలేం కానీ, క్లాస్‌ టచ్‌ ఉన్న మాస్‌ క్యారెక్టర్‌లో నాగశౌర్య కనిపిస్తున్నాడు ఈ సినిమాలో. 

మాస్‌ యాంగిల్‌ ఉన్న ఇంట్రెస్టింగ్‌ లవ్‌స్టోరీగా 'ఛలో' తెరకెక్కుతోంది. వెంకీ కుడుముల దర్శకత్వంలో తెరకెక్కుతోన్న ఈ సినిమాలో కన్నడ బ్యూటీ రష్మికా మండన్నా హీరోయిన్‌గా నటిస్తోంది. నాగశౌర్య బాడీ లాంగ్వేజ్‌ చూస్తుంటే, క్లాస్‌ టచ్‌తో ఉన్న మాస్‌ హీరోలా అనిపిస్తోంది. యాక్షన్‌ సీన్స్‌కి ఈ సినిమాలో ఎక్కువ ప్రాధాన్యమున్నట్లు తెలుస్తోంది. సో డైరెక్ట్‌గా మాస్‌ వర్కవుట్‌ కావట్లేదనీ, క్లాస్‌ టచ్‌ ఉన్న మాస్‌ స్టోరీని ఎంచుకున్నట్లున్నాడు నాగశౌర్య. ట్రైలర్‌ చూస్తుంటే, నాగశౌర్య క్లాస్‌ టచ్‌ ఉన్న మాస్‌ ప్లాన్‌ వర్కవుట్‌ అయ్యేలానే అనిపిస్తోంది.