నాగశౌర్య తాజా సినిమా 'ఛలో' ఆడియో ఫంక్షన్‌కి మెగాస్టార్‌ చిరంజీవి ముఖ్య అతిథిగా విచ్చేశారు. ఆ ఫంక్షన్‌లో నాగశౌర్యను అభినందిస్తూ, నాగశౌర్యలో నన్ను నేను చూసుకుంటున్నాననీ చిరంజీవి చెప్పడం అందర్నీ ఆశ్చర్యానికి గురి చేసింది. నాగశౌర్యని స్పీచ్‌లెస్‌గా మార్చేసింది చిరు నోట నుండి వచ్చిన ఆ మాట.
ఈ ఆనందాన్ని నాగశౌర్య సోషల్‌ మీడియాలో వెల్లడించాడు. 'ఎన్నో ఏళ్లుగా మీరే నాకు ఇన్స్‌ప్రేషన్‌ అని చిరంజీవిని ఉద్దేశించి నాగశౌర్య అన్నారు. నన్ను, నా సినిమానీ ఆశీర్వదించడానికి రావడం నా లైఫ్‌లో గ్రేటెస్ట్‌ అచీవ్‌మెంట్‌గా భావిస్తున్నాననీ పట్టలేని సంతోషం వ్యక్తం చేశాడు నాగశౌర్య. అంతేకాదు ఈ మూమెంట్‌ని ఎప్పటికీ మర్చిపోలేనంటూ, పదకొండు లైన్స్‌తో ఓ నోట్‌ రిలీజ్‌ చేశాడు సోషల్‌ మీడియాలో నాగశౌర్య. అందులోని ప్రతీ లైన్‌ మనస్పూర్తిగా మెగాస్టార్‌కి కృతజ్ఞతలు చెబుతున్నట్లుగా ఉంది.
త్వరలోనే 'ఛలో' ప్రేక్షకుల ముందుకు రానుంది. మలయాళ బ్యూటీ రష్మికా మండన్నా ఈ సినిమాలో హీరోయిన్‌గా నటిస్తోంది. క్యూట్‌ లవ్‌ ఎంటర్‌టైనర్‌గా ఈ సినిమా తెరకెక్కుతోంది. ఇటీవలే విడుదలైన ట్రైలర్‌కి వస్తున్న రెస్పాన్స్‌ చాలా బావుంది. వెరీ వెరీ ఇంట్రెస్టింగ్‌గా ట్రైలర్‌ని కట్‌ చేశారు. కన్నడలో 'కిరిక్‌ పార్టీ'తో సంచలన విజయాన్ని అందుకున్న రష్మికా మండన్నా ఈ సినిమాతో తెలుగులోకి తెరంగేట్రం చేస్తోంది.
పక్కింటబ్బాయిలా కనిపించే నాగశౌర్య ఈ సినిమాలో సరికొత్త లుక్‌లో కనిపిస్తున్నాడు. మాస్‌ ఎలిమెంట్స్‌తో, క్లాస్‌ టచ్‌తో 'ఛలో' సినిమాకి విజయావకాశాలు మెండుగా కనపిస్తున్నాయి. చూడాలి మరి. సినిమా విడుదలయ్యాక రిజల్ట్‌ ఎలా ఉండబోతోందో!
