పెంపుడు జంతువులు మనస్సుకు ఎంతో ఆహ్లాదాన్నిస్తాయి. వాటిపై మనం చూపించే ప్రేమ, అవి తిరిగి మనపై చూపించే ప్రేమ మనల్ని నిజంగానే టెన్షన్ లకు దూరంగా ఉంచుతుంది. అందుకే సాధారణ వ్యక్తులే కాకుండా కొందరు సెలబ్రిటీలు కూడా పెంపుడు జంతువులతో ఎక్కువగా సమయం గడుపుతూ ఉంటారు. యువ హీరో నాగ శౌర్య తన పెంపుడు కుక్క 'బూ' తో ఉన్న అనుబంధం గురించి ఈమధ్య ట్విట్టర్ ఖాతా ద్వారా అభిమానులతో పంచుకున్నారు.
బూ తో తను సరదాగా గడిపిన క్షణాలను వీడియో రూపంలో షేర్ చేసిన నాగశౌర్య "తను తోడుగా ఉండడంతో నా ప్రపంచం మారిపోయింది. ఉదయాన్నే బ్లాక్ కాఫీ తాగే సమయం నుంచి రాత్రి కథలు చెప్పుకునే టైమ్ వరకు అంతా దాని గురించే." తన పెంపుడు కుక్క తో ఏడాది అయిన సందర్భంగా గా ఈ వీడియో షేర్ చేశారు నాగశౌర్య. ఆ వీడియో చూస్తుంటే నాగ శౌర్య తన పెంపుడు కుక్కతో ఎంతగా అనుబంధం పెంచుకున్నారో మనకు అర్థం అవుతుంది. ఈ పెంపుడు కుక్క కేన్ కార్సో బ్రీడ్ కు చెందినదట.
సినిమాల విషయానికి వస్తే నాగశౌర్య చివరిగా 'అశ్వథ్థామ' చిత్రంలో నటించారు. నాగశౌర్య ఈ మధ్య ఒక నూతన దర్శకుడు కి గ్రీన్ సిగ్నల్ ఇచ్చారని, రెండు మూడు నెలల్లో ఈ సినిమా సెట్స్ మీదకు వెళ్తుంది అని సమాచారం.
My World kind of change in his company, from an early morning black coffee to bedtime stories everything was about him...#OneYearofPurestLove #ShauryasBoo pic.twitter.com/0rRCGueSAS
— Naga Shaurya (@IamNagashaurya) July 22, 2020
