తమిళ స్టార్ హీరో సూర్య ఈరోజు 45 పుట్టినరోజు జరుపుకుంటున్నారు. ఈ సందర్భంగా మొత్తం మూడు సర్ప్రైజ్ లు అభిమానుల కోసం ప్లాన్ చేశారు సూర్య. మొదటిది ఇన్స్టా గ్రామ్ లో ఖాతా తెరిచారు. రెండవది సూర్య నెక్స్ట్ సినిమా 'ఆకాశం నీ హద్దురా' నుంచి కాటుక కనులే అంటూ సాగే పాట ప్రోమో విడుదల చేశారు. మూడవది వెట్రిమారన్ దర్శకత్వంలో తెరకెక్కనున్న 'వాడి వాసల్' సినిమా ఫస్ట్ లుక్ ను రిలీజ్ చేశారు.
సూర్య ప్రతి సినిమాకు తన పాత్ర ఎంతో వైవిధ్యంగా ఉండేలా చూసుకుంటారు. గెటప్ కూడా మారుస్తారు. అదే ట్రెండ్ కంటిన్యూ చేస్తూ ‘వాడి వాసల్’ సినిమా కోసం లుక్ పూర్తిగా మార్చారు. పల్లెటూరి వ్యక్తి లాగా బ్లాక్ కట్ బనియన్ ధరించి మొరటుగా కనిపిస్తున్నారు సూర్య. ఈ సినిమా జల్లికట్టు నేపథ్యంలో సాగుతుందని సమాచారం. ఈ సినిమాలో సూర్య తండ్రీకొడుకులుగా ద్విపాత్రాభినయం చేస్తున్నారు. ఈ సినిమా ఒక రివెంజ్ డ్రామా అని సమాచారం.
'అసురన్' సినిమా తర్వాత వెట్రిమారన్ దర్శకత్వం వహిస్తున్న చిత్రం కావడంతో ఈ సినిమాపై భారీ అంచనాలు ఉన్నాయి. సూర్య నటించే ప్రతి సినిమా తరహాలోనే ఈ సినిమా కూడా తెలుగు లోకి రావడం ఖాయమే అనుకోవచ్చు.
