నాగశౌర్య, సాయిపల్లవి జంటగా తెరకెక్కుతోన్న చిత్రం 'కణం'. ఇదో బైలింగ్వల్‌ మూవీ. తెలుగు, తమిళ భాషల్లో రూపొందింది. ఎప్పుడో ఈ చిత్రం షూటింగ్‌ కంప్లీట్‌ అయిపోయినప్పటికీ, విడుదలకు మాత్రం నోచుకోవడం లేదు. అప్పుడెప్పుడో మూడు నెలల క్రితమే ప్రేక్షకుల ముందుకు రావాల్సిన ఈ చిత్రం ఇప్పటికీ విడుదలకు నోచుకోలేదు. 

బైలింగ్వల్‌ మూవీస్‌కి సాధారణంగా ప్రాబ్లమ్స్‌ వస్తుంటాయి. అయితే 'కణం' విషయంలో ఆ ఆలస్యం మరింత ఎక్కువైంది. విజయ్‌ దర్శకత్వంలో తెరకెక్కిన ఈ చిత్రం రిలీజ్‌ డేట్‌ ఎట్టకేలకు సెట్‌ అయ్యింది. ఈ నెల 27న సినిమాని ప్రేక్షకుల ముందుకు తీసుకురానున్నామని చిత్ర యూనిట్‌ లేటెస్టుగా ప్రకటించింది. ఈ సినిమా షూటింగ్‌ టైంలో హీరో నాగశౌర్యకు, హీరోయిన్‌ సాయి పల్లవికి మధ్య ఏవో బేధాభిప్రాయాలు వచ్చిన కారణంగా 'కణం' ప్రీ రిలీజ్‌ ఫంక్షన్‌కి హీరో నాగశౌర్య హాజరు కాలేదు. ఆ తర్వాత కూడా వీరిద్దరి మధ్యా సైలెంట్‌ వార్‌ జరిగింది. అయితే ఇప్పుడది సద్దుమణిగినట్లేనని తెలుస్తోంది. 

ఈ సినిమాలో భార్య భర్తలుగా నటించారు వీరిద్దరూ. వీరికి ఒక పాప కూడా ఉంది. తల్లీ కూతురు మధ్య సాగే ఎమోషన్స్‌ని ఈ చిత్రంలో చాలా బాగా చూపించారట. నాగశౌర్య, సాయి పల్లవి ఇద్దరికీ ఈ సినిమా ప్రత్యేకమైనదే. ఇద్దరి పాత్రలూ చాలా కొత్తగా డిఫరెంట్‌గా ఉంటాయి. ఈ సంగతిటుంచితే, నాగశౌర్య ఇటీవల 'ఛలో'తో మంచి విజయం అందుకున్నాడు. సాయి పల్లవి ప్రస్తుతం శర్వానంద్‌తో 'పడి పడి లేచె మనసు' సినిమాలో నటిస్తోంది.