బిగ్‌బాస్‌ హోస్ట్‌గా తొలి వారం కాస్త నిరాశ పరిచిన నాగార్జున, ఈ వారం ఫుల్‌ జోష్‌తో కనిపించారు. లేటెస్ట్‌ ఎపిసోడ్‌ని చాలా ఎంటర్‌టైనింగ్‌గా డిజైన్‌ చేశారు. హోస్ట్‌గా నాగార్జున ఆడియన్స్‌లోనూ, హౌస్‌మేట్స్‌లోనూ ఉత్సాహం నింపారు. హౌస్‌లో జరిగిన అన్ని ఇష్యూస్‌నీ టచ్‌ చేస్తూ, తనదైన శైలిలో స్పందించారు. మరోవైపు ఈ వీకెండ్‌ని ఊహించని గెస్ట్‌ల ఎంట్రీతో కొత్త గ్లామర్‌ అద్దారు. ఇస్మార్ట్‌ పెయిర్‌ రామ్‌, నిధి అగర్వాల్‌ని తీసుకొచ్చాడు నాగార్జున. వీరిద్దరి ఎనర్జీ షోకి మరింత కలర్‌ని అద్దింది. రామ్‌ ఎందుకో కాస్త డల్‌గా కనిపించాడు.
కానీ, నిధి సూపర్బ్‌ ఎనర్జీతో కనిపించింది. హాటీ క్లీవేజ్‌తో ఫుల్‌ గ్లామర్‌ కూడా ఒలకబోసింది. 'బిగ్‌బాస్‌ స్టేజ్‌పై ఫెంటాస్టిక్‌ గ్లామర్‌ నిధి..' అంటూ సోషల్‌ మీడియాలో కామెంట్లు వెల్తువెత్తుతున్నాయి. 'ఇస్మార్ట్‌ శంకర్‌' ఇటీవల ప్రేక్షకుల ముందుకొచ్చి, మంచి హిట్‌ అందుకున్న సంగతి తెలిసిందే. ఈ సినిమాలోని 'చిలక.. చిలక..' అనే సాంగ్‌కి రామ్‌, నాగార్జున, నిధి స్టెప్పులేశారు.
వీరితో పాటు, హౌస్‌మేట్స్‌ కూడా ఫుల్‌ జోష్‌తో స్టెప్పులేసి, హౌస్‌లో మాస్‌ కళ తీసుకొచ్చారు. ఇక రామ్‌ 'ఇస్మార్ట్‌ శంకర్‌' డైలాగ్‌తో ఆకట్టుకున్నాడు. నాగ్‌, నిధి మధ్య ఇస్మార్ట్‌ కెమిస్ట్రీ అదిరిపోయింది. నాగార్జున ఇద్దరు కొడుకులతో నటించిన సంగతి తెలిసిందే. ఆమె తెరంగేట్రమే అక్కినేని ఫ్యామిలీతో జరిగింది. బహుశా ఆ చనువుతోనే నాగ్‌, నిధి మధ్య ఆ కెమిస్ట్రీ పండిందేమో. మొత్తానికి నిధి గ్లామర్‌తో బిగ్‌బాస్‌లో ఈ సన్‌డే ఫుల్‌ ఫన్‌డే అనిపించుకుంది.
