నాగార్జున, నాని మల్టీ స్టారర్‌ 'దేవదాస్‌' విడుదలకు సిద్ధమైంది. ఈ నేపథ్యంలో ప్రమోషన్స్‌ జోరందుకున్నాయి. ముఖ్యంగా నాగార్జున, నాని ఉత్సాహంగా ప్రమోషన్స్‌లో పాల్గొంటున్నారు. సినిమాలోనూ నాగార్జున, నానిని డామినేట్‌ చేసేసి ఉంటాడనీ ప్రచార చిత్రాలు చూస్తుంటే అర్ధమవుతోంది. 

అలాగే ప్రమోషన్స్‌లో కూడా నానిని బాగా డామినేట్‌ చేస్తున్నాడు నాగార్జున. పెయిర్‌ విషయానికి వచ్చినా నాగార్జున - ఆకాంక్షసింగ్‌ పెయిర్‌, నాని - రష్మికా పెయిర్‌ని డామినేట్‌ చేస్తోంది. బుల్లితెరపై నాని హోస్ట్‌గా వ్యవహరిస్తున్న బిగ్‌బాస్‌ షో స్టేజ్‌పై నాగార్జున, ఆకాంక్షసింగ్‌, రష్మికా, నానితో కలిసి కనిపించి తమ సినిమాకి ఫ్రీ పబ్లిసిటీ చేసేశారు. ఇక ఎక్కడ చూసినా నాని, నాగార్జునే కనిపిస్తున్నారు. ఈ డాన్‌ భయపెట్టే డాన్‌ కాదు, ఫుల్‌గా ఎంటర్‌టైన్‌ చేస్తాడు అంటూ నాగార్జున పాత్ర గురించి పొగిడేస్తూ చెప్పేస్తున్నాడు నాని. అలాగే మల్టీ స్టారర్‌ చేస్తే నానితో చేయాలనుకున్నాను. అది ఈ సినిమాతో కుదిరింది అని నాగార్జున కూడా నానిని ఎత్తేస్తున్నాడు. 

ఇలా ఈ ఇద్దరి ప్రమోషన్స్‌ జోరు చూస్తుంటే, సినిమాలో విషయం సంగతి ఎలా ఉన్నా, 'దేవదాస్‌'కి ఓపెనింగ్స్‌ బాగా వచ్చేలా ఉన్నాయి. శ్రీరామ్‌ ఆదిత్య దర్శకత్వంలో తెరకెక్కుతోన్న 'దేవదాస్‌' చిత్రం ప్రతిష్ఠాత్మక వైజయంతీ మూవీస్‌ బ్యానర్‌లో రూపొందుతోంది. ఈ గురువారం అనగా సెప్టెంబర్‌ 27న ప్రేక్షకుల ముందుకు వస్తోంది.