2022 సంక్రాంతి... ఓ రేంజ్ లో ఉండ‌బోతోంది. సంక్రాంతి పండ‌క్కి పెద్ద సినిమాలు రావ‌డం స‌హ‌జ‌మే. కానీ.. ఆ సీజ‌న్‌లో రాబోతున్న సినిమాలేంట‌న్న‌ది... రెండు మూడు నెల‌ల ముందే ఖ‌రార‌వుతాయి. అయితే.. ప‌ది నెల‌ల ముందే.. రెండు పెద్ద సినిమాలు సంక్రాంతి బ‌రి ఉంటామ‌ని ప్ర‌క‌టించేశాయి. మహేష్ బాబు `స‌ర్కారు వారి పాట` సంక్రాంతికి వ‌స్తోంది. పవన్ -క్రిష్ కాంబోలో వ‌స్తున్న సినిమా కూడా సంక్రాంతికే రెడీ చేయ‌బోతున్నారు. అటు మహేష్, ఇటు పవన్... ఇద్దరూ టాప్ స్టార్లే. కాబ‌ట్టి, ఈ సంక్రాంతి పోటీ గ‌ట్టిగా ఉండ‌బోతోంద‌ని అర్థ‌మైంది.
అయితే ఇప్పుడు నాగార్జున కూడా సంక్రాంతికి సై అంటున్నాడు. నాగ్ సినిమా `బంగార్రాజు` వ‌చ్చే సంక్రాంతికి రాబోతోంద‌ట. నాగార్జున `సోగ్గాడే చిన్ని నాయిన` కి ప్రీక్వెల్ ఇది. క‌ల్యాణ్ కృష్ణ ద‌ర్శ‌కుడు. జూన్‌లో ఈ సినిమా సెట్స్‌పైకి వెళ్తుంది. `బంగార్రాజు`లో నాగ‌చైత‌న్య కూడా న‌టిస్తాడ‌ని ప్ర‌చారం జ‌రిగింది. ఇప్పుడు చైతూ ప్లేసులో మ‌రో హీరోని ఎంపిక చేసుకునే ప‌నిలో ప‌డింది చిత్ర‌బృందం.
ఆ హీరో ఎవ‌ర‌న్న‌ది తేలాక.. ఈ సినిమాకి సంబంధించిన అధికారిక ప్ర‌క‌ట‌న రాబోతోంది. `సోగ్గాడే..` కూడా సంక్రాంతికే విడుద‌లైంది. సూప‌ర్ హిట్ అయ్యింది. అయితే ఇప్పుడు మహేష్, ప‌వ‌న్‌ల‌ను నాగ్ త‌ట్టుకోగ‌ల‌డా? అనేది మిలియ‌న్ డాలర్ల ప్ర‌శ్న.
